KEDS-i e fut Pallatin e Drejtësisë në kategorinë C të reduktimeve (Dokument)

KESCO dhe KEDS sot kanë futur në aplikim planin ABC të reduktimeve në të gjithë Kosovën.E në kategorinë C gjenden shumë institucione të rëndësishme të vendit, shkruan Lajmi.net.

Lajmi.net ka siguruar komplet planin ABC ku ndahen qytetet e Kosovës në kategori.

Pothuajse shumica e qyteteve të Kosovës janë në planin B dhe C, që do të përballen me reduktime, ndërsa një pjesë e Prishtinës është në planin A dhe B.

Pallati i Drejtësisë, aty ku mbahen seancat gjyqësore dhe ku vendoset për drejtësinë e këtij vendi, është në kategorinë C, që i bie se do të përballet me reduktime të gjata të energjisë elektrike.

Edhe Radio Kosova e ka fatin e njëjtë me Pallatin e Drejtësisë, pasi është në kategorinë C.

E edhe fakulteti Filozofik është në kategorinë B të reduktimeve.

Por për çudi, diskriminim pozitiv kanë Garaçanica 1 dhe 2, që janë në kategorinë A.

E edhe minierat e Kishnicës janë në kategorinë C të reduktimeve. Po ashtu “Ibër Lepenci” është në kategorinë C.

E këtë plan KEDS-KESCO e ka futur sot në aplikim.