Kapen dy të rinjtë që bënin kërdi nëpër biznese e vetura në Podujevë, e pranojnë se kanë kryer disa vjedhje

Vjedhjet dhe grabitjet janë rastet më të shpeshta që po ndodhin në vendin tonë, që po krijojnë shqetësim të madh si te qytetarët, ashtu edhe te bizneset, duke shkaktuar humbje dhe pasiguri. Hajnat shpesh veprojnë edhe në grupe dhe arrijnë që të kapin para e gjësende me vlerë qoftë nga shtëpitë, apo edhe lokalet e ndryshme, raporton Gazeta Sinjali.

Për së paku tri raste të vjedhjeve të rënda, që janë raportuar në stacionin policor në Podujevë, Policia ka arritur të zbulojë se kush janë dy të rinjtë, të cilët bashkërisht kanë kryer këtë vepër penale.

Burimet nga Prokuroria kanë bërë me diej për Sinjalin se dy të dyshuarit janë A.Z., dhe L.S., të dy 18-vjeçarë, të cilët po dyshohet se kanë bërë kërdi në disa biznese, duke vjedhur veshmbathje e pajisje të ndryshme në disa automjete.

Sinjali mëson se posa rastet janë denoncuar nga pronarët në Polici, kanë nisur hetimet, me ç’rast është zbuluar se personat që kanë kryer tri vjedhje të rënda, duke marrë gjësende që kapin vlerën e qindra eurove janë dy të rinjtë.

Kjo ka bërë që Policia të aktivizohet për t’i arrestuar të njëjtit, me ç’rast pasi janë lokalizuar, zyrtarët policorë i kanë shoqëruar në stacion policor, ku kanë dhënë deklaratat e tyre në lidhej me rastet për të cilat po dyshohen.

Me t’u përfunduar procedurat në Polici, Prokurori i Shtetit ka urdhëruar  ndalimin e të njëjtëve në kohëzgjatje prej 48 orësh dhe dorëzimin e kallëzimit penal brenda afatit ligjor.

Artikulli paraprakArrestohet një person në Podujevë për bashkëjetesë me një të mitur
Artikulli tjetër13-vjeçarja nga Podujeva ik nga shtëpia, shkon të bashkëjetojë me një person në Ferizaj – aktivizohet Policia