Gruevski pranon kërkesat e shqiptarëve

Nikolla Gruevski dhe Ali Ahmeti kanë finalizuar marrëveshjen për formimin e Qeverisë së re.

Pozitën e Kryetarit të Kuvendit dhe atë të Ministrit të Punëve të Brendshme do t’u takojnë shqiptarëve.

Burime të Express kanë treguar se do shqiptarët do të kenë edhe pozita tjera në Qeverinë e re, e cila pritet të themelohet mes dy partive fituese në Maqedoni.

VMRO e Nikolla Gruevskit dhe BDI e Ali Ahmetit kanë finalizuar marrëveshjen për ndërtimin e qeverisë së re, në të cilën do të marrin pozita të rëndësishme shqiptarët e Maqedonisë.

Kështu, Kryetari i Parlamentit bashkë me pozitën e Ministrit të Punëve të Brendshme do t’u takojnë shqiptareve.

Gruevski ka marrë zotime se do të realizojë edhe kërkesat tjera të shqiptarëve, përfshirë edhe zyrtarizmin e shqipes në Shtet.

Në këtë mënyrë, Qeveria e re e Maqedonisë po formohet ndërmjet dy partive fituese të zgjedhjeve të fundit.

Burime të Gazetës Express kanë treguar se edhe pozita tjera të rëndësishme do të jenë për shqiptarët në Maqedoni dhe në këtë formë do të vazhdojë edhe zbatimi i Marrëveshjes së Ohrit, pajtim ky që ishte arritur kur kishte përfunduar lufta shqiptaro-maqedone.