Fotografi zyrtar i Obamas publikon foto të refugjatëve kosovarë nga lufta e fundit (Foto)

Përveç që ka shërbyer si fotograf zyrtar i Presidentit Barack Obama në Shtëpinë e Bardhë, Pete Souza ka punuar dikur edhe si fotograf i pavarur dhe si gazetar i Chicago Tribune.

Që të dy këto përvoja jetësore i kanë dhënë atij një perspektivë tjetër të të fotografuarit në Shtëpinë e Bardhë gjatë administratës Obama, ka treguar ai në llogarinë e tij në Instagram.

“Ka shumë lajme për refugjatët këtyre ditëve. Ndonëse nuk është situata e njëjtë sot, për një kohë unë kam dokumentuar krizën me refugjatë nga Kosova në fund të viteve të ’90-ta”, ka shkruar Souza, transmeton Gazeta Express.

Ai ka publikuar disa fotografi të refugjatëve të Kosovës në Maqedoni, ku shumë shqiptarë kanë gjetur strehim pasi kanë ikur nga lufta në vend. /Express/

Artikulli paraprakPlagoset studenti i UP-së, ndodhet në gjendje kome
Artikulli tjetërNesër mbahet mbledhja e rregullt e Kuvendit të Komunës së Podujevës