Cili nga drejtorët e Antikorrupsionit është më i pasur, Preteni apo Havolli?

Ish drejtori i Agjencisë KundërKorrupsionit Hasan Preteni po del të jetë më i pasur se drejtori i sapoemëruar në këtë pozitë, Shaip Havolli.

Nëse shikohet pasuria e përbashkët familjare Havolli del të jetë më i pasur, mirëpo ajo çfarë ka deklaruar se është pronë e tij kap shumën e 45 mijë e 500 eurosh, shkruan Indeksonline.

Në formularin e deklarimit të pasurisë, Havolli posedon një banesë të cilën e ka siguruar nga shitja e pronës, kursimeve  e kredisë në vlerën e 40 mijë eurosh.

Vetura që Havolli vozit kushton jo më pak se 5 mijë e 500 euro. Shtëpia, toka ,trojet të gjitha janë deklaruar si pasuri e përbashkët.

Familja e Havollit posedon tokë 16 mijë e 600 euro, mal dy mijë euro, e truall 10 mijë euro. Për blerjen e tokës, Havolli thuhet se është ende në detyrime financiare deri në 10 mijë euro.

Paga  mujore të cilën e ka deklaruar Havolli, është dy mijë e 28 euro.

Ndryshe nga Havolli, Preteni gjithë pasurinë e ka deklaruar në emrin e tij. Vlera e pasurisë së tij është 83 mijë euro, bazuar në formularët e pasurisë.

Toka e Pretenit, kap shumën e 13 mijë e 500 eurove. Më së shtrenjti del t’i ketë kushtuar banesa, plot 55 mijë euro.

Shtëpiza e Pretenit, ka kushtuar jo më pak se 3 mijë e 500 eurove. Edhe vetura që ka vozitur Preteni, ka qenë më luksoze se vetura e drejtorit Havolli. Vetura e ish drejtorit të AntiKorrupsionit, vlen 11 mijë euro.

Preteni  27 mijë euro borxh bankave:

Për pasurinë e krijuar, Preteni ka deklaruar se ka edhe detyrime financiare ndaj bankave që duhet të paguaj.

20 mijë euro është shuma që duhet të paguaj në bankë, ndërsa 7 mijë euro i duhet t’i kthej një personi të cilit ia ka marrë hua.

17 mijë e 888 euro, kanë qenë të hyrat vjetore të Pretenit të deklaruara gjatë kohës sa ka qenë drejtor. /Indeksonline/

Mund ti shihni këtu :

Hasan Preteni : https://indeksonline.net/publi…

Shaip Havolli :https://indeksonline.net/publi…