Llapjanka konkurron në ‘The Voice of Germany’ me këngën e Noizyt dhe
Chelsea vazhdon dominimin në Ligën Premier
Chelsea ka fituar ndaj Bournemouthit me rezultat 3-0, ndërsa edhe Arsenali ka fituar në fund 1-0 ndaj WBA-së,shkruan Telegrafi.
Skuadra e Antonio Contes ka marrë edhe fitoren e 12-të radhazi në kampionatin anglez, duke forcuar pozitën e parë në tabelë me 46 pikë apo nëntë më shumë se Liverpooli në vendin e dytë.
Pjesa e parë e takimi ishte e barabartë me dy skuadrat që provuan disa herë të kalojnë në epërsi në këtë pjesë, por ishte vetëm Chelsea që gjeti golin.
Ishte sulmuesi spanjoll, Pedro Rodriguez, i cili shënoi një gol të bukur në minutën e 24-të pas asistimit të Cesc Fabregas dhe me këtë gol përfundoi pjesa e parë.
Festa e Pedros tek goli i parë
Në pjesën e dytë, Chelsea u fut më furishëm, ku gjeti shpejt edhe golin e dytë me anë të Eden Hazard.
Sulmuesi belg shënoi nga pika e bardhë në minutën e 49-të, pasi ishte vet ai që u pengua në zonë nga mbrojtësi kundërshtar.
Hazard gjatë ekzekutimit të penaltisë
Ky gol afroi siguri te ‘Blutë’ të cilët në vazhdimin e lojës ishin më të qetë dhe kontrolluan ndeshjen deri në fishkëllimën e gjyqtarit, ku arritën të gjejnë edhe një gol në minutat shtesë me Pedron dhe në fund fituan me rezultat 3-0, teksa javën e ardhshme do të ndeshen me Stoke Cityn./PodujevaPRESS/
