Bulliqi thirrje qytetarëve: Kujdes nga temperaturat e larta. Qytetarët i thonë se nuk kanë ujë

Kryetari i Podujevës Shpejtim Bulliqi ka bërë thirrje për kujdes nga temperaturat e larta, transmeton PodujevaPRESS.net

Mirëpo qytetarët e shumtë i kanë reaguar se nuk kemi ujë. Reagimet kanë ardhur pasi Podujeva po përballet me reduktime të mëdha të ujit. Sipas KUR “Prishtina” kjo po bëhet për shkak të keqpërdorimit të ujit nga konsumatorët.

Ky është postimi I tij:

KUJDES NGA TEMPERATURAT E LARTA!

Të dashur qytetarë, ky është njoftimi nga Ministria e Shëndetësisë për masat e rekomanduara mbrojtëse për shëndetin gjatë ekspozimit ndaj temperaturave të larta të ajrit mbi 30°C janë:

Personat e moshuar dhe ata me sëmundje kronike nuk duhet të ekspozohen në rrezet e diellit në intervalin kohor prej orës 10:00-17:00.

Kujdesi gjatë temperaturave të larta:

 Mbani trupin tuaj të freskët dhe të hidratuar;

Vishni veshje të lehta dhe të gjera;

Bëni dush të freskët;

Pini shumë ujë;

Shmangni pijet me sheqer, alkoolike dhe me kafeinë;

Mbani shtëpinë tuaj të freskët:

Hapni dritaret natën;

Reduktoni përdorimin e pajisjeve elektrike.

 Qëndroni në hije.

Shmangni aktivitetin fizik të mundimshëm gjatë temperaturava të larta;

Mos i lëni fëmijët apo kafshët në makina të parkuara;

 Nëse ju paraqiten simptoma si kokëdhembje, mundim, marramendje, tharje e gojës dhe lëkurës, lajmërohuni tek institucioni më i afërt shëndetësor!