Bashkatdhetarë kujdes: Kolonat nga Merdare arrijnë deri në Shtedim te restorant “Europa” (Foto)

Mëngjesi i sotëm përveç reshjeve të dendura të borës, pjesën kufitare e ka zbardhur me kolona të gjata, të cilat tani para pak minutash kanë arritur deri në fshatin Shtedim, te restorant ‘Europa”. Nëse vazhdohet me këtë ritëm të ngadaltë të punës në kufi, me keqardhje njoftojmë por kolonat ka gjasë të arrijë deri të hotel “Besiana”.

Sot në mëngjes PodujevaPRESS ka raportuar se kolonat ishin deri te restorant “ORA”, ndërsa tani për vetëm dy orë ato janë rritur për disa km.

I sugjerojmë bashkatdhetarët tanë që të shqyrtojnë mundësitë e tyre dhe të drejtohen edhe në pikëkalimet kufitare alternative.

Gazetarët tanë janë ne vendin e ngjarjes, për çdo detaj do të ju mbajmë të informuar me kohë. /PodujevaPRESS/