Auditori: Shpend Ahmeti harxhoi 2.3 mln € për pagat e 486 militantëve

Kryetari i Prishtinës, Shpend Ahmeti, punësoi pa konkurs 486 persona, kryesisht militantë të lëvizjes Vetëvendosje, duke shpërfillur tërësisht ligjet e vendit. Punësimet u kryen duke shpërfillur konkursin, gjatë vitit 2015 dhe 2016. Rritja e numrit të punësuarve konfirmohet edhe nga rritja fondit të pagave prej 25 milionë euro që ishte në 2014 në gati 28 milionë euro në 2016.

Shpend Ahmeti, kryetari i Komunës së Prishtinës, është duke shpërfillur dhe shkelur më këmbë Ligjin e Punës, pasi po kryen punësime të qindra personave, -kryesisht militantë të Partisë Vetëvendosje, duke injoruar kriterin kryesorë për rekurtimin e personelit,-Konkursin.

Punësimet masive të kryera pa konkurs nga Shpend Ahmeti, veçmas të militantëve partiak, u raportuan më herët edhe në disa media, por tashmë veprimi militantest i kryetarit, është gjykuar nga Zyra Komëbëtare e Auditimit në vend.

Sipas Auditorit, numri të të punësuarve pa konkurs përgjatë dy viteve nga ana e Shpend Ahmetit, është 486 persona. Saktësisht, 276 persona u punësuan pa konkurs gjatë 2015, ndërsa 210 persona u punësuan gjatë 2016, duke çuar numrin e të punësuar pa konkurs, në një total prej 486 personave.

“ Sipas regjistrit të pagesave, gjatë këtij viti janë angazhuar 210 zyrtarë me kontratë për shërbime të veçanta, që paraqet një numër të reduktuar nga viti i kaluar (276). Me rastin e përzgjedhjes së këtyre individëve, nuk ishin zbatuar procedura të thjeshtësuara të rekrutimit”, thuhet në raportin zyrtarë të Zyrës Kombëtare të Auditimit.

Rritja e numrit të punësuarve pa konkurs, detyrimisht ka rritur edhe buxhetin për paga dhe mëditje në Komunën e Prishtinës.

Derisa në 2014, në këtë kategori harxhoheshin 25 milionë e 610 mijë euro, në 2016 për paga dhe mëditje u harxhuan gati 28 milionë euro, apo saktësisht 27 milionë e 944 mijë euro.

Fiks, 2 milionë e 300 mijë euro më shumë.

Për këto çështje, i janë dërguar pyetje zëdhënses për media, Miranda Mullafazliut, por nuk kemi marrë asnjë përgjigje.

Gjithsesi, Zyra Kombëtare e Auditimit ka dhënë alarmin për këto punësime të paligjshme, që injorojnë tërësisht konkursin.

“ Mbulimi i pozitave të rëndësishme me marrëveshje të përkohshme rezulton me performancë dhe monitorim të dobët të stafit dhe rritë pasigurinë nëse në pozitat e tilla është angazhuar stafi adekuat. Mungesë e konkurrencës së mirëfilltë, cilësia e shërbimeve të ofruara mund të jetë e nivelit të dobët dhe objektivat e organizatës të mos arrihen”, thuhet në konluzat e raportit të Zyrës Kombëtare të Auditimit.

Gjithnjë sipas saj, Kryetari Ahmeti duhet t’i rishikojë nevojat reale për angazhim të punëtorëve me kontrata për shërbime të veçanta.

“ Nevoja për staf shtesë për pozitat e karrierës duhet të analizohet dhe nëse rritja e numrit të stafit është e domosdoshme, kjo të inkorporohet edhe në planifikimet buxhetore. Barrierat eventuale lidhur me rritjen e stafit, duhet të diskutohen edhe me Ministrinë e Financave”, thuhet në fund të rekomandimeve mbi punësimet në komunën e Prishtinës, nga ana e Zyrës Kombëtare të Auditimit.

Shpend Ahmeti, kur mediat patë publikuar raportet me gjysëm zëri pranoi punësinmet, por mohoi se ata janë militantë të Lëvizjes Vetëvendosje.

Ne po I sjellim sërish emrat dhe fotot e disa militantëve të punësuar pa konkurs, tashmë të konfirmuar edhe nga auditori.

Një pjesë e emrave të njerëzve të punësuar në Komunë të Prishtinës dalin publikisht, përmes rrjeteve sociale, dhe tregojnë përkatësinë politike. Tregojnë se janë militantë të idesë së Albin Kurtit dhe Lëvizjes Vetëvendosje.

Një pjesë e tyre patën treguar se punojnë në Komunën e Prishtinës dhe në të njëjtën kohë në fotot e publikuara në FB shihen aktivitetet e tyre në përkrahje të Lëvizjes Vetëvendosje.

Një pjesë e militantëve, e vogël sigurisht, që tashmë janë konfirmuar nga auditori janë:

Zana Gojani, e cila nga Komuna e Prishtinës paguhet nga 407 euro në muaj për punën që bën. Pati treguar edhe në FB se punon në Komunën e udhëhequr prej Vetëvendosjes.

Tjetër militantë i Vetëvendosjes i punësuar në Komunë është Besnik Mujeci. Publikisht e pranon se punon në Komunë dhe merr 340 euro në muaj. Në rrjetin social FB, ai propagandon idetë e Lëvizjes Vetëvendosje. Shpërndan foto me Dardan Molliqajn dhe bën thirrje për protesta kur ato i thëret Lëvizja Vetëvendosje.

Lydra Hoxha merr veç 301 euro në muaj në Komunën e Shpend Ahmetit. Ajo është aktive si militante e Vetëvendosjes. Presidentit të Kosovës, Lydra Hoxha i referohet si Hashim Daçici, nofkë kjo e përsëritur në vazhdimësi nga  militantët e Vetëvendosjes.

Fotografi i Lëvizjes Vetëvendosje, Patrik Domi tashmë është rehatuar në Komunë të Prishtinës. Ai merr 344 euro në muaj. Është aktiv në rrjetet sociale dhe rrugë duka marrë pjesë në secilin prej aktiviteteve të Lëvizjes Vetëvendosje.

Paguhet vetëm 301 euro. Bëhet fjalë për Mirlinda Batushën, po ashtu, militante e Lëvizjes Vetëvendosje. Në rrjetet sociale është shumë aktive. Shpërndan njoftimet e Lëvizjes Vetëvendosje e posaçërisht ato që kanë të bëjnë me Xhelal Sveçlen, i cili ka dhënë dorëheqje prej Komunës.

Fortesa Bryma është punëtorja tjetër e Komunë së Prishtinës. Merr veç 260 euro në muaj. Në rrjetet sociale tregon se është aktiviste e Lëvizjes Vetëvendosje. Publikon edhe foto me Kryetarin e Prishtinës, Shpend Ahmeti

Edhe një militant tjetër i Vetëvendosjes është punësuar në Komunë. Fjala është

përArbër Sejdiu. Ai merr 300 euro në muaj. Në profilin e tij në FB, Sejdiu është shpërndarës i flaktë i ideve të Lëvizjes Vetëvendosje.

Tjetër aktivistë i Vetëvendosjes që paguhet prej Komunës së Prishtinës ështëKushtrim Dakaj. Ai merr 398 euro në muaj. Është aktiv në rrjetet sociale kur bëhet fjalë për të përkrahur Lëvizjen Vetëvendosje. Në FB, Dakaj shpërndan fjalimet vetëm të liderëve të Vetëvendosjes.

Edhe Dardan Osmanaj tregon se punon si gjeodet në Komunën e Prishtinës. Merr 301 euro në muaj. Në FB, Dardan Osmanaj thurr elozha për shefat e tij partiakë dhe komunalë.

Visar Haxhibeqiri është tjetër militant i Lëvizjes Vetëvendosje i rehatuar në Komunën e Prishtinës. Merr 350 euro në muaj. Është anëtar i Këshillit ti Këshillit të Përgjithshëm në Lëvizjen Vetëvendosje për Degën e Gjakovës.. Pothuajse, në secilën demonstratë të Vetëvendosjes është i pari që merr pjesë. Është edhe anëtar në Bordin e Këshullit të Kosovës për Trashëgimi Kulturore.

Adelina Krasniqi, po ashtu, militante e Vetëvendosjes, merr në Komunën e Prishtinës pagë prej 301 euro. Në profilin e saj në FB, ajo shpërndanë të gjitha aktivitetet e Lëvizjes Vetëvendosje dhe është aktive në përkrahjen e Albin Kurtit, Visar Ymerit e Shpend Ahmetit.

Rina Govori, po ashtu, një militante e Vetëvendosjes punon në Komunë të Prishtinës. Merr 348 euro në muaj. Është aktive në shpërndarjen e ideve të Vetëvendosjes në FB. Më së shumti prej veprimeve të zyrtarëve të VV’së i ka pëlqyer veprimi i Xhelal Sveçlës kur kishte dhënë dorëheqje.

Zëdhënësi i dikurshëm i Lëvizjes Vetëvendosje, Erzen Vraniqi është rehatuar në Komunë të Prishtinës duke marrë rrogë me Kontratë mbi Vepër. Ai merr rrogë prej 465 euro në muaj.

Merr 407 euro në muaj. Fjala është për Arbër Hamidin, aktivist i Lëvizjes Vetëvendosje. Është përkrahës i Lëvizjes Vetëvendosje dhe pjesëmarrës i aktiviteteve të Partisë së Albin Kurtit.

Drilon Pireva është militanti tjetër i Lëvizjes Vetëvendosje. Merr pagë prej 348 eurosh në muaj. Normalisht, se i punësuar në Kontratë mbi Vepër është në Komunën e Prishtinës. Vazhdimisht përkrah Lëvizjen Vetëvendosje dhe bën fushatë për këtë parti edhe në rrjetin social FB.

Arbnora Berisha, po ashtu, një aktiviste e Lëvizjes Vetëvendosje është e punësuar në Komunën e Prishtinës. Merr 301 euro në muaj për punën që bën në komunën e udhëhequr prej Vetëvendosjes. Në rrjetin social FB, Berisha shpërndan pothuajse secilin njoftim të rëndësishëm të Lëvizjes Vetëvendosje.

Fatime Ahmeti është tjetra e punësuar në Komunën e Prishtinës që është përkrahëse e Shpend Ahmetit. Ajo merr 301 euro në muaj si punëtore me Kontratë mbi Vepër në Kryeqytet.

Kastriot Nebihu është tjetër i punësuar në Komunën e Prishtinës. Merr 303 euro në muaj. Është prej aktivistëve dhe organizatorëve të protestave. Sa herë organizon protestat, Nebihu është i pari që shpërndanë njoftimet e Lëvizjes Vetëvendosje.

Edhe Albion Rexhepi është njëri prej aktivistëve tjerë të Vetëvendosjes i rehatuar me punë në Komunën e Prishtinës. Merr 254 euro në muaj. Në rrjetet sociale, Rexhepi mundohet të tregojë se është edhe më i flaktë.

Edhe një tjetër aktivistë i Vetëvendosje është rehatuar në Komunë të Prishtinës. Faton Zeka është aktivisti i Vetëvendosjes që merr 300 euro në muaj. I punësuar me Kontratë mbi Vepër, Zeka përmes FB tregon se është aktivistë i Vetëvendosje.

Premtim Bajraktari është emri i një aktivisti tjetër i rehatuar në Komunën e Prishtinës. Merr pagë prej 300 eurosh. Në fb, shpërndan njoftimet e Lëvizjes Vetëvendosje e më së shumti merret me Albin Kurtin, shefin ideologjik të Vetëvendosjes. Këta emra me foto qenë publikuar nga te gjitha mediat.(Infopress)