Ambasada e SHBA-ve i dhuroi 2,500 testet rapide QKMF-së në Podujevë

Qendra Kryesore e Mjekësisë Familjare në Podujevë ka përfituar sot një donacion prej 2,500 teste rapide për Covid-19 nga Ambasada e Shteteve të Bashkuara të Amerikës në Kosovë.

Donacionin prej 2,500 testeve dhe pajisjeve përcjellëse e ka pranuar nënkryetarja e Komunës së Podujevës, Marigona Lahu bashkë me drejtorin e Drejtorisë së Shëndetësisë, Driton Veliu dhe drejtorin e QKMF, Ymer Llugaliu.

Me këtë rast nënkryetarja Lahu  ka falënderuar Ambasadën Amerikane për donacionin e dhuruar.

Deri tani në QKMF janë kryer rreth 2,000 teste rapide për pacientët e dyshuar me Covid-19.