Ambasada e SHBA-së tregon nëse McCain dhe senatorët vijnë në Kosovë për Ditën e Pavarësisë

Ambasada e Shteteve të Bashkuara të Amerikës në Kosovë ka hedhur poshtë zërat se me rastin e Ditës së Pavarësisë së Kosovës (17 shkurt) do të vijnë një delegacion i senatorëve në vendin tonë.

Madje, në disa media është raportuar se Prishtinën do ta vizitojë edhe ish-kandidati republikan për president, John McCain.

Zëdhënësja e kësaj Ambasade, Michelle Schohn ka thënë për “Indeksonline” se, me rastin e nëntë vjetorit të Shpalljes së Pavarësisë, s’pritet të vijë ndonjë personalitet nga Amerika.

“Ambasada amerikane nuk ka informata se dikush nga SHBA-të pritet të vijë në Kosovë me 17 shkurt”, thotë shkurt Schohn.

Ndryshe, zyrtarët e lartë të SHBA-së që kanë vizituar Kosovën për herë të fundit ishin; ish-zv/presidenti Joi Biden si dhe ish-sekretari i Deparamentit, John Kerry.

Ky i fundit takimet me përfaqësuesit kosovarë i zhvilloi në Aeroportin Ndërkombëtar “Adem Jashari” në Prishtinë.  /Indeksonline/