Kurti paralajmëron nga Berlini zgjidhje për Asociacionin dhe votim për lejimin e
AGK dhe SHGSK dënojnë sulmin ndaj gazetarit Ajeti në Podujevë
Pas sulmit ndaj gazetarit të Klan Kosovës, Jon Ajeti, i cili u godit me gurë nga tifozët e Llapit, kanë reaguar edhe AGK dhe SHGSK.
Asosacioni i Gazetarëve të Kosovës dhe Shoqata e Gazetarëve Sportiv të Kosovës kanë dënuar rastin, duke kërkuar nga klubet dhe FFK që t’u krijojnë kushte për punë gazetarëve.
Më poshtë keni reagimin e plotë:
“ShGSK dhe AGK, e kanë pritur me shqetësim lëndimin e gazetarit të Klan Kosovës, Jon Ajeti, i cili u godit me gurë nga tifozët e Llapit gjatë ndeshjes kundër Drenicës në kuadër të gjysmëfinales së Kupës së Kosovës.
Të dyja organizatat, vlerësojnë se veprimi i tifozëve të Llapit paraqet shqetësim serioz për komunitetin e gazetarëve.
ShGSK dhe AGK kërkojnë nga klubet dhe FFK të marrin masa dhe t’ua mundësojnë gazetarëve kushtet për punë, të cilat duhet të jenë të garantuara.
Me respekt,
ShGSK & AGK”. /Express/