A e kufizon Rregullorja për Ballkanin Perëndimor numrin e vizave? Flet ambasadori gjerman në Kosovë

Pandemia COVID-19 dhe skadimi i Rregullores për Ballkanin Perëndimor fillestar në vitin 2020 kanë krijuar ndryshime të konsiderueshme si në tregun e punës, ashtu edhe në politikën e migracionit, gjë që pritet të ketë ndikim të madh në fluksin e emigracionit të qytetarëve të Kosovës në Gjermani.

Kështu u tha në tryezën “Ikja e fuqisë punëtore nga Kosova: Sa do të ndikojë pandemia dhe rregullat e reja të migrimit të Gjermanisë në këtë fenomen?”, ku u theksua edhe nevoja për rritjen e kapaciteteve të Ambasadën Gjermane në Kosovë për vizat.

Ambasadori gjerman në Kosovë, Jörn Rohde, tha se rregullorja e miratuar në vitin 2016 nuk e kufizoi numrin e vizave që jepen.

“Asnjëherë nuk ka pasur dhe nuk ka një numër maksimal të migrantëve për të hyrë në Gjermani.

Vizat për studim, arsim, bashkim familjar jepen pa ndonjë kufizim, vetëm a plotësohen kushtet ligjore. Ambasada e Gjermanisë ka lëshuar 5 e 500 viza për të gjitha llojet e punësimit.

Vitin e kaluar jam befasuar sesi Ambasada Gjermane ka arritur që të jap viza më shumë se çdo seksion tjetër.

Jemi duke rritur numrin e stafit në seksionin e vizave.

Lidhur me atë sesa viza do të lëshohen është e vështirë të them, e kemi një kuotë”, tha ai.