Në mbledhjen e kuvendit të komunës së Podujevës u diskutua Raporti vjetor financiar i komunës për vitin 2023

Kuvendi i Komunës së Podujevës, ka mbajtur mbledhjen e rregullt, të cilën e udhëhoqi kryesuesi i Kuvendit, Hilmi Hoxha, e ku ishte i pranishëm edhe kryetari Komunës, Shpejtim Bulliqi, drejtorët e drejtorive, përfaqësues të KFOR-it dhe media.

Gjatë kësaj mbledhje u miratuan të gjitha pikat e rendit të ditës:

1. Prosesverbalet nga mbledhjet e Kuvendit të Komunës të mbajtura më: 28.12.2023; 30.01.2024 dhe 17.02.2024

2. Propozim Vendimi për miratim paraprak për dhënen në shfrytëzim afatshkurtër të pronës së paluajtshme të Komunës- Njësia kadastrale P-00594-0, ZK Turuçicë

3. Propozim Vendimi për miratim paraprak për dhënien në shfrytëzim afatshkurtër të pronës së paluajtshme të Komunës – Njësia kadastrale P- 00596-0, ZK Turuçicë

4. Propozim Vendimi për miratim paraprak për dhënien në shfrytëzim afatshkurtër të pronës së paluajtshme të Komunës – Njësia kadastrale P- 00597-0, ZK Turuçicë

5. Nisma për bashkëpunim ndër-komunal mes Komunës së Podujevës me komunat: Komuna e Vushtrrisë; Komuna e Prishtinës; Komuna e Mitrovicës së Jugut dhe Komuna e Obiliqit

5.1 Propozim vendimi për miratimin e kërkesës-nismës për themelimin e bashkëpunimit ndër-komunal

5.2 Propozim vendim për autorizimin e Kryetarit të Komunës për fillimin e konsultimeve për themelimin e bashkëpunimit ndër-komunal

6. Raporti Vjetor Financiar i Komunës së Podujevës për vitin e përfunduar më 31 dhjetor 2023 – Këtë raport e paraqiti drejtori i drejtorisë për Buxhet dhe Financa, Fatlum Osmani, e për të cilin raport u diskutua nga anëtarët e kuvendit të komunës nga të gjitha subjektet poltike, ku për të gjitha pa qartësit, kritikat dhe sugjerimet rreth këtij raporti u përgjigjën drejtori i Financave dhe anëtarët tjerë të ekzekutivit.

7. Propozim vendimi për shtim të buxhetit dhe kod të ri- Projekti “Furnizimi me mjete pune për ngritjen dhe zhvillimin e bizneseve”.

8. Plotësim ndryshimi i përbërjes së Këshillit Komunal për Siguri në Bashkësi KKSB, përkatësisht z.Bashkim Bajrami, komandant i Stacionit të Policisë në Podujevë, të jetë anëtar në kuadër të përbërjes së KKSB, në vend të ish Komandantit z. Nijazi Jashari i cili është pensionuar.