LDK shënon 34 vjetorit të themelimit në Podujevë

FALEMINDERIT LLAP!, kështu ka shkruar lideri i Lidhjes Demokratike të Kosovës, Lumir Abdixhiku në përvjetorin e shënimit të 34 të themelimit të kësaj parie në Podujevë, transmeton PodujevaPRESS.net

Abdixhiku ka thënë se “Një tubim madhështor, në shënim të 34 vjetorit të themelimit tonë në Podujevë. Një festë qytetare, për të nderuar të shkuarën, për t’u besëlidhur për të ardhmen! Lidhja është e fortë.

Llapi e bën të tillë!

Ai bëri thirrje për ndryshim. “Sot, këtu, në Llap, ju ftoj të rindërtoni këtë besim. E shkuara jonë është lavdishme. Është e papërseritshme. Ajo sot na shërben si dritë ndriçimi në rrugën e pa shkruar përpara. E ardhmja jonë është e papërcaktuar. Ajo mund të shkruhet si vazhdimësi e një të shkuare të lavdishme, por mund të shkruhet edhe si një përmbysje e palavdishme.

Unë, tha Abdixhiku zgjedh të ardhmen e ndritshme. Atë që varet nga ne. Atë që vazhdon rrugën tonë identitare, të një shtetit të pavarur e sovran, të anëtarësuar në NATO dhe BE, e me miqësi të përhershme me Shtetet e Bashkuara të Amerikës. Llapi, duhet të zgjedhë këtë rrugë; si paraprirje e një ngritje rugoviste gjithëkombëtare, si një vulë a padiskutueshme e fitores sonë të madhe! Ju duhet të bëni këtë rrugë. Ju takon sepse jeni bastion rugovist, ju takon sepse jeni Llapi i LDK-së!”, ka përunduar ai.

Kurse kryetari i Lidhjes Demokratike të Kosovës dega në Podujevë, Ekrem Hyseni, në 34 vjetorin e themelimit të kësaj partia ka ngritur akuza ndaj kryetarit aktual të Podujevës, duke thënë se ky qytet po qeveriset nga një person që është bërë shembull i keqqeverisjes, keqmenaxhimit e korrupsionit, transmeton PodujevaPRESS.net

Hyseni ka thënë se “Sot Podujeva e Llapi po qeverisen nga një person pa integritet i cili ka shndërruar institucionin shtetëror në kompani private për punësim të familjarëve e bashkëpartiakëve, për financim të dostave dhe njerzve me dosje”.