Vdes mamia llapjane Sanije Topanica, iu ndihmoi grave në lindje gjatë luftës
Bujar Asllani e demanton komisionin komunal të aksionarëve: Shkarkimi im është politik
Para pak ditësh komisioni komunal i aksionarëve të Komunës së Podujevës kanë shkarkuar Bujar Asllanin të emëruar para një viti në Bordin e Drejtorëve të Ndërmarrjes Publike Rajonale KRM “Pastrimi”, transmeton PodujevaPRESS.net
Në arsyetimin e shkarkimit thuhet: “Shkarkimi i të përmendurit bëhet për shkak të skadimit të mandatit si i emëruar i përkohshëm dhe mos kryerjes së punëve dhe detyrave të tij sipas rregullatives ligiore, (mos raportim) si dhe gjendjes jo të mirë të krijuar në Kompaninë rajonale të mbeturinave “PASTRIMI”- KRM.
Në vend të z. Asllani dy anëtarët e komisionit drejtori i shërbimeve publike Bahri Selimi dhe asambleistja Drita Pajaziti kanë zgjedhur Abedin Zekën në këtë bord, pasi që anëtarja tjetër e komisionit Mimoza Abdullahu në shenjë paknaqësie me vendimin nuk ka marrë pjesë në mbledhje e as që e ka nënshkruar këtë vendim.
PodujevaPRESS ka pyetur Bujar Asllanin për pretendimet e komisionit dhe arsyet e shkarkimit, e ku Asllani ka thënë se: “Njoftimi nga ana ime është bërë vazhdimisht për të gjitha zhvillimet në kompani, sekretaria në KRM Pastrimi vazhdimisht ju dërgon materialet nga mbledhja e bordit, pra është e pavërtet ajo që thuhet se unë nuk kam raportuar”.
Asllani po ashtu ka thënë se: ”Ata asnjëherë nuk më kanë kërkuar asgjë, ata nuk kanë pasur kërkesa me i ngrit në takime e as kanë kerkuar raport nga unë”. Ai thotë se shkarkimi i tij është poltik.
Lidhur me këto zhvillime kanë reaguar edhe asambleistët e LDK-së dega në Podujevë.
Ekrem Rrahmani nga ky subjekt ka reaguar duke thënë se:
“Dite me pare Komisioni i Aksionareve nga Komuna e Podujeves, perkatesisht dy anetaret e Levizjes Vetvendosje kane shkarkuar perfaqesuesin nga Komuna e Podujeves ne Ndermarrjen “KRM Pastrimi” dhe ne vend te tij, ne kundershtim te plote me ligjin kane emeruar, ish koordinatorin e Qendres se LVV-se ne Podujeve, aktualisht pjese e strukturave me te larta te Qendres se LVV-se, si dhe tani shofer ne Administraten Komunale, Abedin Zeka.
Se vendimet i keni gjithmone me motive pariake veç e kane kuptu krejt qytetaret edhe ata kane me ua tregu vendin.Ndersa per vendimet qe po merrni ne kundershtim me ligjin do t’ju perballim me Agjensionin Kunder Korrupsionit dhe me organet e drejtesise, mbi kete baze me ankese i jemi drejtuar tashme Agjensionit AntiKorrupsion”, ka përfunduar ai.
