Zhvillime dramatike në koalicionin e ri, LDK në Podujevë “mbetet” pa një asambleiste, ka gjasa edhe i “dyti”

Siç edhe ka raportuar PodujevaPRESS, sot është arritur marrëveshja mes VV-së dhe AAK-së për të qeverisur në pjesën e mbetur të mandatit, njofton PodujevaPRESS.net

Kjo ka ardhur pas largimit të PDK-së nga koalicioni.

Shpejtim Bulliqi tani më nuk i ka problem numrat e asamblesë, pasi që një asambleiste nga LDK pritet që ti bashkohet AAK-së. Burimet e sigurta të PodujevaPRESS kanë thënë se Tringa Sfishta pritet të largohet nga LDK-ja ku do ti bashkohet AAK-së. Burimi ka treguar se kjo çështje veçse është e përfunduar.

Gjithashtu edhe një asambleist tjetër me gjasë i LDK-së pritet ta zë pozitën e kryesuesit (emër i njohur për redaksinë) por kjo ka mbetur të definohet gjatë kësaj jave. Deri atëherë Ilmi Hoxha nga PDK do të vazhdojë ta udhëheq asamblenë komunale.

Edhe emri i Drejtorit të Bujqësisë dihet, tashmë veç ka mbetur të definohet se a ka të drejtë ta pezullojë pozitën në të cilën ai është duke punuar.

Drejtoria e Administratës do të udhëhiqet po ashtu nga AAK. Edhe për këtë drejtori janë definuar pozicionet.