Auditori kritika për Komunën e Podujevës: Nuk po bëhet regjistrimi i pasurisë nën 1,000€ në sistemin e e-pasurisë

Është publikuar raporti për pasqyrat financiare vjetore të Komunës së Podujevës për vitin 2022, njofton PodujevaPRESS.net

Sipas raportit këtë vit auditori ka bërë opinion të kualifikuar, që i bije se ka keq menaxhim të financave publike.

Kritika i janë dhënë edhe menaxherëve të projekteve duke i quajtur neglizhues.

Kritika ka edhe ndaj Kryetarit të Komunës: Kryetari i Komunës është përgjegjës për përgatitjen dhe prezantimin e drejtë të Pasqyrave Financiare sipas Standardeve Ndërkombëtare të Kontabilitetit në Sektorin Publik – Raportimi Financiar bazuar në Kontabilitetin e Parasë së Gatshme. Po ashtu, Kryetari i Komunës është përgjegjës edhe për vendosjen e kontrolleve të brendshme, të cilat i përcakton si të nevojshme për të mundësuar përgatitjen e Pasqyrave Financiare, pa keq deklarime materiale të shkaktuara, qoftë nga mashtrimi apo gabimi. Kjo përfshinë përmbushjen e kërkesave që burojnë nga Ligji nr. 03/L-048 për Menaxhimin e Financave Publike dhe Përgjegjësitë dhe Rregullorja nr. 01/2017 për Raportim Vjetor Financiar nga Organizata Buxhetore.

Kryetari i Komunës është përgjegjës për të siguruar mbikëqyrjen e procesit të raportimit financiar të Komunës së Podujevës.

Raporti lidhur me menaxherët e projekteve thotë se:

Kujtojmë se lidhur me raportin e Auditorit kanë reaguar edhe nga Prokuroria e Shtetit të cilët kanë thënë se: “Referuar pyetjeve tuaja,  ju njoftojmë se Prokuroria Themelore në Prishtinë ka autorizuar Policinë për grumbullimin e informatave dhe provave lidhur me këtë çështje, si dhe ka ndërmarrë veprime të tjera konform KPPRK-së, andaj në bazë të të gjeturave do të veprojë tutje”, thuhet në përgjigje nga Laureta Ulaj zyrtare për informim.

Ndërsa ka dhënë kritika për mos regjistrimi i pasurisë nën 1,000€ në sistemin e e-pasurisë.

Auditori thotë se “Rregullorja MF-NR. 02/2013 për menaxhimin e pasurisë jo financiare në organizatat buxhetore, Neni 6.1. përcakton se, “Çdo organizatë buxhetore duhet të krijojë dhe azhurnoj regjistrin e pasurive jo financiare që i ka në menaxhimin e saj. Regjistri duhet të mbahet ndaras për çdo pasuri dhe në formë të agreguar sipas kategorive të klasifikuara në bazë të planit kontabël. Po ashtu neni 6.3. përcakton se, “Pasuria kapitale duhet të regjistrohet në SIMFK ndërsa pasuria jo kapitale dhe stoqet duhet të regjistrohet në sistemin “e-pasuria”.

Sipas raportit të auditorit thuhet se “Nga testimi ka rezultuar se blerjet e vitit 2022, për pasurit nën 1,000euro, në vlerë 127,209euro, nuk ishin regjistruar në sistemin e e-pasurisë.

Kjo ka ndodhur si rezultat i neglizhencës së zyrtarit që merren me menaxhimin e pasurive nën 1,000€ dhe kontrolleve të dobëta që kishte menaxhmenti i komunës ndaj zyrtarit të pasurisë.

Mos regjistrimi i pasurisë nën 1,000€, sipas kritereve të përcaktuara në rregulloren për menaxhimin e pasurisë jo financiare, mund të ndikon në humbjen a po tjetërsimin e pasurisë dhe prezantimin e informatave jo të plota në RVF.

Kryetari duhet të shtojë kontrollet e brendshme për tu siguruar se zyrtari i pasurive do ta regjistrojë pasurinë nën 1,000€, në regjistrat kontabël të pasurive.