Rrahje mes dy familjeve në Barilevë për shkak të borxhit, arrestohen pesë
Gruaja denoncon burrin për dhunë fizike, Prokurori vendos ta lirojë
Dhjetëra raste të dhunës në familje raportohen çdo ditë në Policinë e Kosovës, ku viktima janë kryesisht gratë që pësojnë nga bashkëshortët e familjarët e tjerë. Të dyshuarit shpesh lihen të lirë si pasojë e dorës së butë të Prokurorisë. Një ngjarje e tillë ka ndodhur së fundmi në një familje në rrugën “Shaban Shala” në Prishtinë, raporton Gazeta Sinjali.
Sinjali mëson se bëhet fjalë për një 30-vjeçare, e cila të martën në orët e mbrëmjes e ka denoncuar në Polici bashkëshortin 31-vjeçar, për dhunën që ka ushtruar ndaj saj. Bazuar në dëshminë e saj të dhënë para hetuesve policorë, i dyshuari A.J., e ka sulmuar, duke e goditur me shuplaka në fytyrë, pas një mosmarrëveshje që kanë pasur me njëri-tjetrin.
Përballë kësaj situate, viktima ka vendosur të kërkojë ndihmën e Policisë dhe si rezultat i denoncimit, i dyshuari është shoqëruar në stacion policor, teksa gruaja ka marrë trajtim mjekësor.
I dyshuari është intervistuar në lidhje me veprën për të cilën dyshohet, por me urdhër të Prokurorit të Shtetit është liruar për t’u hetuar në procedurë të rregullt.
Rastet e tilla kur burrat e dyshuar për dhunë ndaj vajzave dhe grave lirohen shpesh kanë pasur edhe me raste tragjike, çka shpesh nga ngritur debat se organet e rendit nuk po bëjnë mjaftueshëm për këtë dukuri shqetësuese.