Dëmi pas zjarrit në një pompë në Podujevë rreth 500 mijë euro – arrestohet një person

Pompa e derivateve ‘Veda Petrol” në fshatin Peran të Podujevës është përfshirë nga zjarri për shkaqe akoma të panjohura. Dëmi i shkaktuar dyshohet se kap një vlerë goxha të madhe, teksa një person që dyshohet se ia vuri flakën objektit tashmë ka rënë në prangat e Policisë, raporton Gazeta Sinjali.

Sinjali mëson se sipas informacioneve, dëmet që janë shkaktuar për shkak të zjarrit janë rreth 500 mijë euro. Përveç pompës, dyshohet se është djegur edhe kati i dytë që është shfrytëzuar si mobilieri.

Rasti është denoncuar menjëherë në Polici, me ç’rast të gjitha njësitë përkatëse kanë dalë në vendin e ngjarjes, ku janë bërë ekzaminimet e nevojshme, si dhe janë marrë pamjet nga kamerat e sigurisë.

Provat e mbledhura nga Policia kanë bërë që të identifikohet një person i dyshuar, i cili pas shoqërimit në stacion policor, është intervistuar nën dyshimet se ka shkaktuar rrezik të përgjithshëm. Ndaj tij, Prokurori i Shtetit ka nxjerrë aktvendim për ndalim prej 48 orësh, teksa veprimet e tjera do të ndërmerren posa të përfundojnë të gjitha ekzaminimet.

Artikulli paraprakE dhimbshme: Gjendet pa shenja jete një burrë në Podujevë, po bënte rojë te fqinjët e tij
Artikulli tjetërGruaja denoncon burrin për dhunë fizike, Prokurori vendos ta lirojë