Ja si parkohet vetura zyrtare e komunës së Podujevës

Praktikat e tilla të zyrtarëve komunal nuk janë të rralla, duke filluar nga kryetari deri tek  zyrtari më i ulët të cilit i jepet mundësia të vozisë veturë zyrtare, njofton PodujevaPRESS.

Pothuajse çdo ditë shohim njësitë policore të stacionit të Podujevës  duke larguar veturat të cilat janë parkuar gabim, madje duke i gjobitur pronarët apo vozitësit e tyre në shumë të konsiderushme të cilat aplikohen bazuar ne ligjet në fuqi.

Një gjë e tillë nuk po ndodh edhe me zyrtarët komunal të cilët vetura zyrtare po i parkojnë në kundërshtim me rregullat e trafikut, siç shihet edhe në këtë foto ku vetura zyrtare  jo vetëm se është parkuar në rrugë por madje kjo rrugë është njëkahëshe dhe në drejtim të kundërt me drejtimin e automjetit zyrtar.

Ndoshta policët e thjeshtë kanë vullnetin dhe kurajon, por bazuar në legjislacionin e aplikueshëm për pushtetin lokal  kryetari i komunës e emëron drejtorin e stacionit në nivel komunal dhe siç duket kjo e ka efektin e vet dhe kësisoj zyrtarët e komunës nuk respektojnë rregullat pë rte cilat qytetarët edhe mund të dënohen./PodujevaPRESS/