2 të lënduar në aksidentin në magjistralen Podujevë-Prishtinë

Dy persona janë lënduar si pasojë e një aksidenti ndërmjet tri veturave që ka ndodhur sot në Magjistralen Prishtinë-Podujevë.

Lajmin e ka konfirmuar zëdhënësi i policisë për rajonin e Prishtinës, Agron Borovci.

Ai ka bërë të ditur se personat e lënduar kanë kërkuar tretman mjekësor.

“Sot rreth orës 18:00 në rrugën magjistrale Prishtinë-Podujevë, saktësisht në fshatin Gllamnik ka ndodhur një aksident rrugor ku janë përfshirë tri automjete. Bazuar në të dhënat e deritanishme si pasojë e aksidentit janë lënduar 2 persona te cilet kane kërkuar tretman mjekësor. Me rastin po merren hetuesit e njësitit të trafikut rajonal”, ka thënë Borovci.