Këshilltarja e PDK-së, e shqetësuar me menaxhimin e mbeturinave medicinale

Në seancën e fundit të kuvendit komunal të Podujevës, është miratuar Plani për Menaxhimin e Mbeturinave në Komunën e Podujevës, njofton PodujevaPRESS.

Ndërsa gjatë debatit, këshilltarja nga radhët e PDK-së, Kumrie Hoti kishte potencuar që është me shumë rëndësi të sqarohet edhe qështja e menaxhimit të  mbeturinave medicinale të cilat janë të rrekzishme për shëndetin, propozim ky i cili gjet mirëkuptim dhe mori përkrahje në votim

Znj. Hoti kishte theksuar se “Duhet ta kemi parasysh se mbeturinat medicinale përbëjnë një rrezik më të madh për shëndetin e njeriut sesa llojet tjera të mbeturinave. Ky rrezik vjen si rezultat i materieve të ndryshme që përmbajnë mbeturinat medicinale dhe që përbejnë një rrezik jo vetëm për shëndetin e njeriut por edhe për ambientin në tërësi”, po ashtu theksoi se në materialin prej 80 faqesh të këtij plani, vetëm njëherë kishte hasur në termin mbeturina medicinale. /PodujevaPRESS/