EXLUSIVE: Në Podujevë ndër vite kanë punuar qindra mësimdhënës të pakualifikuar!

Flakron Gashi këshilltar komunal nga radhët e PDK-së, ka nxjerrë informata dhe ka akuzuar zyrtarët komunal të arsimit se ndër vite në komunën e Podujevës kanë punuar me qindra mësimdhënës të pakualifikuar, madje disa nga ata kanë pasur të kryer vetëm shkollën fillore, shkruan PodujevaPRESS.

Në seancën e Kuvendit Komunal të mbajtur me datë 2 shkurt 2017, në pikën e rendit të ditës ku po bisedohej për arsimin dhe suksesin e nxënësve në gjysmëvjetorin e par, kanë shpërthyer debate të forta mes pozitës dhe opozitës.

Flakron Gashi këshilltar komunal nga radhët e PDK-së, ka nxjerrë informata dhe ka akuzuar zyrtarët komunal të arsimit se ndër vite në komunën e Podujevës kanë punuar me qindra mësimdhënës të pakualifikuar, madje disa nga ata kanë pasur të kryer vetëm shkollën fillore, duke cekur “se si mund të tregoi nxënësi sukses në lëndën e biologjisë ose kimisë kur profesori është i kualifikuar për gjuhë frenge”.

Ndërsa i menjëhershëm ishte reagimi i nënkryetarit Nexhmi Rudari, i cili theksoi se ndoshta bëhet fjalë për punëtorët teknik që punojnë nëpër shkolla, e ku është e ditur se ata janë të pakualifikuar.

Kjo e ka shtyrë këshilltarin e PDK-së, Flakron Gashi, të dal sërish në foltore, i cili theksoi se është shumë i vetëdijshëm për deklaratat e bëra, ai madje shprehu keqardhje se si zyrtarët komunal nuk janë të vetëdijshëm për dokumentet e tyre të cilat kanë marr aprovimin e kësaj asambleje. Ai i qëndroi prapa deklaratës së tij, dhe tha se para seancës së ardhshme komunale, do të siguroj nga një kopje për të gjithë këshilltarët komunal dhe drejtorët.

Ne kemi kontaktuar këshilltarin Gashi, mirëpo ai nuk ka dhënë më shumë informata ” Po deklarata ime ka qenë e tillë dhe i qëndroj prapa fjalës së thënë, është e vërtet se në komunën e Podujevës kanë punuar ndër vite më qindra mësimdhënës të pakualifikuar. Siç kam premtuar ditëve në vijim do ta bëjë publik dokumentin të cilin e ka nxjerr vet komuna e Podujevës dhe nuk është shpikje e imja”, po ashtu u shpreh ” do ta paraqesim me saktësisht se sa mësimdhënës dhe cila ka qene përgatitja e tyre profesionale ndër vite” dhe shtoi se dokumenti në fjale është i hartuar nga Komuna e Podujevës por siç duket kanë harruar./PodujeaPRESS/