Vdes mamia llapjane Sanije Topanica, iu ndihmoi grave në lindje gjatë luftës
E ndanë nga kolona dhe e përdhunuan, ky është rrëfimi i kosovares
Në pjesën e tretë të serisë së rrëfimeve që boton “Koha Ditore” flet H.A., edhe një e mbijetuar e dhunës së shfrenuar të forcave serbe gjatë luftës në Kosovë.
Atë ende e mundon krimi i kryer mbi të – një përdhunim që ka zgjatur me orë të tëra nga ushtarë e paramilitarë serbë. Pesë prej tyre i mban mend H.A. nuk e ka lehtë të dalë në publik.
Nuk e ka të lehtë sa herë që ndeshet me shikimet e njerëzve. Nuk e ka lehtë sidomos kur sheh njerëz të uniformuar. Atë, ende e mundon krimi i kryer mbi të. Një përdhunim që ka zgjatur me orë të tëra nga ushtarë e paramilitarë serbë. Pesë prej tyre i mban mend.
Dëshmitarja që vjen nga një fshat i Kosovës tregon mënyrën se si gratë u ndanë nga civilët e tjerë që po dëboheshin nga shtëpitë, dhe u mbajtën gjatë gjithë natës, duke u përdhunuar disa herë, shkruan sot “Koha Ditore”.
Nëna e tre fëmijëve brenda një interviste ka përsëritur tre herë të gjitha detajet e natës më të vështirë të jetës së saj, natë pas së cilës thotë se ende nuk e kupton se pse po vazhdon të jetojë.
Përveç dhunimit seksual, dëshmitarja është dhunuar edhe fizikisht. Në shumicën e kohës ka qenë e alivanosur
