20-vjeçari nga Podujeva rrah keq të miturën që kishte lidhje dashurie – ndalohet 48 orë

Një rast i rëndë dhune në marrëdhënie intime është raportuar në qytetin e Podujevës, ku një vajzë e mitur është paraqitur për ndihmë mjekësore pas dhunës që i është ushtruar nga i dashuri i saj.

Sinjali mëson se më 18 maj 2025, rreth mesnate, vajza është paraqitur në emergjencën e Podujevës për shkak të lëndimeve trupore, që siç ka deklaruar, i janë shkaktuar më 15 maj 2025 nga i dashuri i saj.

E mitura ka deklaruar se, përveç dhunës fizike, është kanosur për jetë, duke thënë se ndihet e rrezikuar. Ajo është intervistuar në prani të punëtorit të Qendrës për Punë Sociale.

I dyshuari është intervistuar në praninë e avokatit mbrojtës dhe ka pranuar se ka ushtruar dhunë fizike ndaj të miturës.

Me urdhër të Prokurores Kujdestare, i dyshuari është ndaluar për 48 orë, ndërsa rasti është iniciuar si “Dhunë në familje” dhe ndodhet nën hetime.