Zgjedhjet e jashtëzakonshme në Podujevë shembulli më i mirë për të reflektuar partitë

Shkruan: Behram Behluli

Zgjedhjet e jashtëzakonshme në Podujevë treguan qartazi se partitë politike PDK dhe LDK,duhet të bëjnë reforma serioze,i vetmi kriter për përzgjedhjen e njerëzve të cilët do ti udhëheqin këto parti duhet të jetë; udhëheqësi i PAKORRUPTUAR!

Zgjedhjet komunale në Podujeve janë shembulli më i mirë për të reflektuar partitë të cilat humbën,epilogu në këto zgjedhje tregoj se PDK-së dhe LDK-së nuk i mjaftoj të kenë kandidatë të mirë përgatitur, profesionist e të pakorruptuar për nivelin lokal.

Zgjedhjet komunale në Podujevë tregun se në nivel lokal apo ne nivel vendi njerëzit i kushtojnë rendësi faktit se kush ju prinë partive politike, kandidaturat janë të rëndësishme por jo kryesore, imazh ka rendësi!

Shembull për këtë është Partia Demokratike, në dy palë zgjedhjet e fundit lokale kishte kandidate shumë të mirë për kryetar komune në Podujevë.

Hajredin Hyseni, ish i burgosur politik,vëlla i dëshmorit, ish deputet i parlamentit, ish zv.Ministër pa asnjë afër korruptive, kandidatë për kryetar komune në zgjedhjet e kaluara në Podujevë, në rastin e tij nuk luajtën rol fare kundërshtarët e tij po luajti rol imazhi i keq i krijuar për Partinë Demokratike dhe udhëheqësit e saj në nivel vendi.

Naim Fetahu, ish pjesëtar i hershem i Ushtrisë Çlirimtare të Kosovës,ish këshilltar komunal,ish deputet i parlamentit,ish zv,Ministër,profesionist ,pa asnjë afër korruptive,kandidate për kryetar komune, në zgjedhjet e fundit nuk luajtën rol fare kundërshtaret e tij po luajti rol imazhi i keq i krijuar për  PDK-në.

Pa dyshim ky nuk ishte i vetmi shkak i humbjeve të njëpasënjëshme, në humbjen e fundit të kandidatit të PDK-së, rol të rëndësishëm luajtën edhe zgjedhjet e brendshme të PDK-së, të cilat kaluan me përçarje të mëdha e me zgjedhje FALSO!

Edhe LDK –ja me Nexhmi Rudarin nuk ishte se nuk ja qëlloj me kandidaturën, Nexhmi Rudari nuk njihet për afera korruptive, njihet si njeri i ndershëm, profesionist i mire, por imazhi i keq i krijuar për udhëheqësit e LDK-se e fundosen pa kthim.

Shpejtim Bulliqi, tani kryetar i komunës së Podujeve, në këto zgjedhje kandidati me i përfolur për afera korruptive, i fiton zgjedhjet, kjo ndodhë në emër të ndryshimit, fiton sepse udhëheqësit e VV-se nuk njihen për afera korruptive, pra në zgjedhje rol të rëndësishëm luan imazhi i udhëheqësve.

Imazhi i udhëheqësve të pakorruptuar të partisë edhe me kandidat të përfolur mund të fitojë në zgjedhje, imazh i udhëheqëseve të korruptuar edhe me kandidatë të shkëlqyer nuk të bënë fitues.

Pra në Podujevë nuk u votua për kandidatin më të mirë, por u votua kundër njerëzve të cilët njihen si të korruptuar e i udhëheqin partitë politike në nivel vendi e atë lokal.

Prandaj, partitë si PDK e LDK duhet të krijojnë hapësirë për njerëz të mirë të ndershëm e profesionist, përndryshe në zgjedhjet e ardhshme në nivel vendi do të përjetojnë atë që e përjetuan PD e Salih Berishës dhe LSI e Ilir Metës në Shqipëri, qeverisja e ardhshme në nivel vendi do të ketë vetëm një TIMONIER!

Ju urojë zgjim dhe shërim sa me te shpejtë, përndryshe……..!