Të shtëna me armë në një lokal në Prishtinë, Policia gjen disa
Zëdhënësi i Blinkenit shpërndan komunikatën ku ShBA shprehet e zhgënjyer me Qeverinë Kurti
Ned Price, zëdhënës i sekretarit amerikan, Antony Blinken, e ka shpërndarë deklaratën ku thuhet se Shtetet e Bashkuara të Amerikës janë të zhgënjyera me Qeverinë e Kosovës.
Price pasi e ka shpërndarë postimin, ka shkruar se i bën thirrje Qeverisë së Kosovës që të zgjasë periudhën e zbatimit të regjitimit të ri të targave.
“I bëjmë thirrje qeverisë së Kosovës që të zgjasë periudhën e zbatimit të regjimit të ri të targave. Si Kosova ashtu edhe Serbia duhet të demonstrojnë përkushtimin e tyre, përmes fjalëve dhe veprimeve, për një bashkëpunim konstruktiv për të siguruar një të ardhme paqësore”, ka shkruar ai.
Antony Blinken është shprehur i zhgënjyer me Qeverinë e Kosovës, e cila ka refuzuar t’i respektojë kërkesat e partnerëve ndërkombëtarë për të shtyrë për 10 muaj zbatimin e vendimit për targat.
Blinken i ka thënë mediumit The Pavlovic Today se Kosova ka të drejtë që ta implementojë vendimin nën Marrrëveshjen e Brukselit, por se kërkesa që të shtyhet afati, u refuzua nga kryeministri Kurti.
“Shtetet e Bashkuara të Amerikës janë të zhgënjyera dhe të shqetësuara që Qeveria e Kosovës ka refuzuar kërkesën e partnerëve ndërkombëtarë”, ka thënë sekretari amerikan.
We urge the government of Kosovo to extend the implementation period for the new license plate regime. Both Kosovo and Serbia should demonstrate their commitment, through words and actions, to constructive collaboration to ensure a peaceful future. https://t.co/cGGzM5Rb1l
— Matthew Miller (@StateDeptSpox) October 28, 2022