VV në Podujevë shpërndan libra për fëmijët

Me një aktivitet simbolik, Lëvizja Vetëvendosje në Podujevë, ka shpërndarë libra për fëmijët në sheshin e qytetit “Ali Ajeti”, njofton PodujevaPRESS.com

Në njoftimin e këtij subjelti politikë në Podujevë thuhet:

Gjashtë (6) muaj pa bibliotekë

Për shkak të ndërtimit të rrugës Qendër -Rrethi për Kërpimeh buzë Lumit Llap është rrënuar biblioteka e qytetit tash e 6 muaj dhe nuk është në shërbim të lexuesve. Lëvizja VETËVENDOSJE! këtë shqetësim e ka ngritur edhe në Kuvendin Komunal disa herë ndërsa Kryetari Veliu shprehet i lumtur për rrënimin e objektit të bibliotekës së qytetit.

Aktivistët e Lëvizjes VETËVENDOSJE! në Besianë sot bënë shpërndarjen e lektyrave shkollore për nxënësit e shkollave fillore duke u munduar që sadopak tu dalim në ndihmë të gjithë atyre lexuesve të cilët përmbyllën gjysmë vjetorin e parë dhe janë në pushime dimërore.