“Të vras”, “E han plumbin” | Çifti e kërcënojnë njëri – tjetrin
![Vrasje shkaku i mosmarrëveshjes rreth fëmijëve, Apeli e vërteton dënimin me 21 vjet burgim ndaj të akuzuarit](https://podujevapress.net/wp-content/uploads/2023/10/image-197.png)
Vrasje shkaku i mosmarrëveshjes rreth fëmijëve, Apeli e vërteton dënimin me 21 vjet burgim ndaj të akuzuarit
Prishtinë- Gjykata Apelit e ka vërtetuar aktgjykimin e 8 marsit 2023 të Gjykatës Themelore në Prishtinë, me të cilin i akuzuari Xh. R. ishte dënuar me 21 vjet burigm për vrasjen e Sh.L., për shkak të mosmarëveshjes rreth fëmijëve.
Themelorja fillimisht më 19 gusht 2022 e kishte dënuar R. me 21 vite burgim. Mirëpo, Apeli më 22 nëntor 2022, pas shqyrtimit të ankesave të parashtruara nga Prokuroria Themelore në Prishtinë, pala e dëmtuar Q. L. dhe mbrojtësja e të akuzuarit R, avokatja Marigona Lajçi, e kishte kthyer rastin në rigjykim.
Ndërsa, Themelorja sërish në rigjykim më 8 mars 2023, e kishte dënuar R. me 21 vite burgim unik për vepën penale të “Vrasjes” dhe të armëmbajtjes pa leje, raporton “Betimi për Drejtësi“.
Apeli për së dyti pas shqyrtimit të ankesave të: Prokurorisë Themelore në Prishtinë, të palës dëmtuar dhe të mbrojtësit të R, avokatit Rrustem Lajçi, më 20 shtator 2023, i ka refuzuar të njëjtat dhe ka vërtetuar aktgjykimin e Themelores.
“Refuzohen si të pabazuara ankesat, e Prokurorisë Themelore në Prishtinë, mbrojtësit së të akuzuarit Xh.R., av.Rrustem Lajçi, si dhe të dëmtuarit Q.L., përkitazi me vendimin për dënimin, kurse aktgjykimi i Gjykatës Themelore në Prishtinë – Departamenti për Krime të Rënda, PKR.nr.76/2020, të dt.08.03.2023, vërtetohet”, thuhet në vendimin e Apelit.
Apeli në vendim ka theksuar se kanë ardhur në përfundim se aktgjykimi i Themelores nuk përfshihet në shkeljet esenciale të dispozitave të procedurës penale dhe të Ligjit Penal dhe se gjendja faktike është e vërtetuar në mënyrë të drejtë dhe të plotë.
“… ka ardhur në përfundim se aktgjykimi i gjykatës së shkallës së parë nuk përfshihet me shkeljet esenciale të dispozitave të procedurës penale, si dhe shkeljet e Ligjit Penal, se gjendja faktike është vërtetuar në mënyrë të drejtë dhe të plotë…”, thuhet tutje në vendim.
Po ashtu, në vendim të Apelit thuhet se i akuzuari ka pranuar fajësinë dhe se ka shprehur keqardhje për veprat e kryera penale dhe se publikisht i ka kërkuar falje edhe palës së dëmtuar dhe se me këtë kërkimfalje, është vërtetuar gjendja faktike në mënyrë të plotë dhe drejtë.
Apeli, në fund ka theksuar se me këtë dënim është arritur efekti dhe qëllimi i dënimit.
“…andaj me dënimin e shqiptuar kolegji i kësaj gjykate është i bindur se do të arrihet efekti dhe qëllimi i dënimit”, thuhet më tej.
Ndryshe, sipas aktakuzës së ngritur më 11 tetor 2021 nga Prokuroria Themelore në Prishtinë, i akuzuari Xh. R, thuhet se në Gadime të Ulët, Komuna e Lipjanit, më 16 korrik 2021, për shkak të mosmarrëveshjes që kishte pasur një javë më parë rreth fëmijëve dhe përleshjes fizike në ditën kritike, me dashje që ta privojë nga jeta dhe për shkak të hakmarrjes, kishte shkuar në shtëpinë e tij dhe e kishte marrë armën e tipit “Ecol Special 99” dhe kishte shtënë dy herë në drejtim të tani të ndjerit Sh.L, duke e goditur në kokë, ku si pasojë e plagëve të marra, i njëjti kishte ndërruar jetë në vendin e ngjarjes. /BetimipërDrejtësi