Dhunimi i 10-vjeçares, dërgohet në paraburgim nëna e vajzës dhe i dyshuari tjetër

Gazeta Sinjali raportoi të shtunën për një rast të tmerrshëm që ka ndodhur në Gjakovë, ku një vajzë 10-vjeçare dyshohet se është keqpërdorur seksualisht nga disa persona. Lidhur me rastin tashmë janë ndaluar dy persona, nëna e vajzës që dyshohet për “Keqtrajtim dhe braktisje të fëmijës” dhe një 36-vjeçar i dyshuar për veprën “Dhunimi”.

Ndaj tyre, Prokuroria ka bërë kërkesë për caktimin e masës së sigurisë, e cila është aprovuar nga Gjykata Themelore në Gjakovë.

I dyshuari Y. B. është dërguar në paraburgim për 30 ditë, e po ashtu edhe nëna e vajzës (emër i njohur për redaksinë, por që nuk do të publikohet me qëllim të ruajtjes së identitetit të 10-vjeçares).

Lajmin për Sinjalin e ka konfirmuar zëdhënësi i Gjykatës Themelore në Gjakovë, Lekë Muqaj.

Sipas informacioneve të para,  gjithçka dyshohet të ketë ndodhur në disa lokacione, ku të dyshuarit, vetëm njëri prej të cilëve është identifikuar kanë kryer marrëdhënie seksuale me të miturën.

Prokurori i Shtetit ka urdhëruar ndërmarrjen e të gjitha veprimeve hetimote që zbardhin rrethanat e këtij rasti të tmerrshëm.