Visar Ymeri përkrahë Thaçin për Ushtri, kërkon të ruhen raportet me ndërkombëtarët (VIDEO)

Lideri i Lëvizjes Vetëvendosje, Visar Ymeri i ka dhënë mbështetje nismës së Presidentit Thaçi për formimin e Qeverisë derisa ka bërë thirrje të mos ketë hapa prapa në këtë proces. Në të njëjtën kohë, ai ka kërkuar të ruhen raportet me ndërkombëtarët dhe të avoancohen në një stad të ri në fushën e mbrojtjes së Republikës.

“Ushtria duhet bërë. Duhet të kujdesemi që marrëdhëniet e partneritetit dhe bashkëpunimin me aleatët e Kosovës ta avansojmë në një stad të ri edhe për sa i përket arkitekturës së mbrojtjes për Republikën e Kosovës. Domosdoja për Ushtrinë e Kosovës për mbrojtje, sovranitet e dinjitet duhet shpjeguar mirë. Nuk duhet të ndalemi në këtë drejtim. Por jo të zmbrapsemi”, ka thënë Ymeri, në mbledhjen e Këshillit të Përgjithshëm të Vetëvendosjes.

Transformimi i FSK’së në ushtri ka nisur më  mars të këtij viti, kur Presidenti Thaçi bëri publike nismën e tij për ndryshimin e Ligjit.

Deri më tash, të gjitha partitë shqiptare dhe pakicat joserbe, e kanë përkrahur themelimin e ushtrisë, ndërkohë, NATO dhe SHBA kanë kundërshtuar një proces të tillë. Kanë kërkuar që ushtria të themelohet duke bërë ndryshime kushtetuese që kërkojnë votat e 2/3 të deputetëve të shumicës dhe pakicës.