Dështimi i referendumit në veri, SHBA: Kryetarët aktual mbesin në funksion
![Viber po ndihet krenar për Kosovën, shkak kodi telefonik](https://podujevapress.net/wp-content/uploads/2018/02/viber-1517843703-4740296_1518107372-699688.jpg)
Viber po ndihet krenar për Kosovën, shkak kodi telefonik
Aplikacioni Viber po ndihet krenar se është i pari prej atyre që kanë përdorut kodin e ri të shtetit të Kosovës +383.
Viber ka njohur kodin e ri të Kosovës, “+383”.
Përkundër se zyrtarisht nuk ka arritur të implementohet kodi i ri telefonik +383 për Kosovën, Viber ka shkuar një hap përpara.
![](http://www.gazetaexpress.com/public/uploads/image/27849685-10215273065690481-811604345-n_1518107950-4215288.jpg)
Aplikacioni mobil për thirrje dhe mesazhe falas, në përditësimin më të fundit (pra, duhet ta bëni “update” për ta parë) ka mundësuar edhe përdorimin e kodit +383.
Mjafton ta përdorni +383 në vend të +377 apo +386 dhe mund të komunikoni me numrin e caktuar.
Aktualisht në Kosovë janë prezent tre operatorë të telefonisë mobile dhe fikse, të cilët shfrytëzojnë kode të huaja ndërkombëtare. Telefonia mobile “Vala” shfrytëzon kodin e Monakos (+377), ajo e IPKO-s kodin e Sllovenisë (+386), kurse telefonia fikse shfrytëzon kodin e Serbisë (+381).
Mungesa e kodit dhe përdorimi i kodeve të shteteve tjera i shkaktuan Kosovës humbje të mëdha. Të dhënat e Qeverisë së Kosovës treguan se kostoja e përgjithshme e shkaktuar nga mungesa e kodit telefonik kishte arritur shifrën në mbi 200 milionë euro.
Kosova kishte marrë kodin telefonik +383 në dhjetor të 2016, pas arritjes së një marrëveshjeje për telekomunikacionin në Bruksel ndërmjet Prishtinës dhe Beogradit. /Gazeta Express