Vetëvendosje organizon një aksion simbolik para Komunës së Podujevës |PAMJE

Lëvizja Vetëvendosje dega në Podujevë sot ka organizuar një aksion simbolik para Komunës së Podujevës, njofton portali PodujevaPRESS.net

Siç thuhet në njoftimin e kësaj partie “sot organizuam një aksion simbolik para Komunës së Podujevës, ku shprehëm indijatën tonë të thellë lidhur me pengimin e mbajtjes së zgjedhjeve në Komunën tonë dhe keqpërdorimet e mëdha që po ndodhin”.

Ata kanë thënë se përmes këtij aksioni simbolik kemi paraqitur se Komuna e Podujevës është e uzurpuar nga një klikë njerëzish dhe po udhëhiqet nga një njeri që në zgjedhjet lokale se ka asnjë votë dhe nuk përfaqëson asgjë. Në të vërtetë ai vetëm menaxhon apo thënë më mirë keqmenaxhon, sepse shefi i vërtetë është ministri Veliu. Nexhmi Rudari nuk është i dëshiruari i qytetarëve, por është i dëshiruari i Agim Veliut sepse Veliu nuk mund të gjejë një tjetër më të dëgjueshëm dhe një servil më të madh që vetëm zbaton urdhërat e tij.

Ky është njoftimi i plotë:

Sot organizuam një aksion simbolik para Komunës së Podujevës, ku shprehëm indijatën tonë të thellë lidhur me pengimin e mbajtjes së zgjedhjeve në Komunën tonë dhe keqpërdorimet e mëdha që po ndodhin.

Ku potencuam se: Përmes këtij aksioni simbolik kemi paraqitur se Komuna e Podujevës është e uzurpuar nga një klikë njerëzish dhe po udhëhiqet nga një njeri që në zgjedhjet lokale se ka asnjë votë dhe nuk përfaqëson asgjë. Në të vërtetë ai vetëm menaxhon apo thënë më mirë keqmenaxhon, sepse shefi i vërtetë është ministri Veliu. Nexhmi Rudari nuk është i dëshiruari i qytetarëve, por është i dëshiruari i Agim Veliut sepse Veliu nuk mund të gjejë një tjetër më të dëgjueshëm dhe një servil më të madh që vetëm zbaton urdhërat e tij. Nënkryetari i komunës Ruadri është një marionetë që punon dhe përfaqëson vetëm interesat e ngushta të një grupi që ka uzurpuar dhe ngulfatur komunën. Përmes këtij aksioni simbolik kemi paraqitur në trajektore lidhjen e ngushtë të ish kryetarit Veliu me presidentin Thaçi dhe të nënkryetarit Rudari, të cilët edhe e kanë bllokuar procesin e mbajtjes së zgjedhjeve tash e 6 muaj në komunën tonë, por edhe mirëmbajtjen e pushtetit në të kaluarën nga marrëveshjet e fshehta mes tyre. Sot, qytetarët e Podujevës po e shohin hapur këtë bashkëpunim e afërsi mes tyre, ku  kanë rënë maskat dhe prapaskenat e tyre. Sot, Komuna nuk është në funksion të saj për t’i shërbyer qytetarëve, por është kthyer si institucion i rehatimit të militantëve partiakë dhe plaqkitjes së buxhetit të saj. Qytetarët e Podujevës ndjehen të ngulfatur nga një qeverisje e tillë, e cila po i përjashton kuadrot profesionale dhe i diskriminon qytetarët në baza partiake, andaj duhet të largohet sa më parë nga pushteti një mendësi e tillë e cila i ka shkaktuar shumë dëme Komunës dhe qytetarëve të Podujevës. Qytetarët e Podujevës kanë nevojë për një qeverisje transparente, të përgjegjshme dhe që punën e saj e bazon mbi nevojat dhe interesat e qytetarëve.