Vetëplagosje në Podujevë, Policia konfiskon armën dhe 5 fishekë

Policia e Kosovës ka njoftuar se në orët e vona të së hënës, në Komunën e Podujevës, ka ndodhur një vetëplagosje.

Lajmi u bë i ditur përmes raportit 24 orësh të Policisë së Kosovës, ku thuhet se ngjarja ka ndodhur në fshatin Katunishtë, raporton PodujevaPRESS.

Personit të dyshuar thuhet t’i ketë shkrepur arma, ku si pasojë është plagosur në këmbë.

“Është raportuar se i dyshuari mashkull kosovar të cilit i kishte shkrepur arma e zjarrit dhe si pasojë ishte plagosur në këmbë. I dyshuari është dërguar në QKMF në Podujevë për tretman mjekësor, pastaj edhe në QKUK.

Në vendin e ngjarjes është gjetur dhe sekuestruar një gëzhojë, ndërsa në shtëpinë e të dyshuarit është sekuestruar një pistoletë me pesë fishekë e cila dyshohet se ishte përdor në rast.

Në konsultim me prokurorin është iniciuar lënda e rastit dhe vazhdon të hetohet”, ka njoftuar PK.