Rrahje mes dy familjeve në Barilevë për shkak të borxhit, arrestohen pesë
Veselinoviq në vend të Rikallos në KQZ
Presidenti i Kosovës, Hashim Thaçi, sot ka emëruar anëtarin e ri të Komisionit Qendror Zgjedhor, Stevan Veselinoviq, në cilësinë e përfaqësuesit të Grupit Parlamentar Lista Serbe.
Veselinoviq në këtë detyrë është emëruar në vend të Nenad Rikallos, që ka marrë postin e ministrit të Bujqësisë në Qeverinë Haradinaj.
Presidenca ka njoftuar se këtë vendim i pari i vendit e ka marrë duke u bazuar në nenin 139, paragrafi 4 i Kushtetutës së Republikës së Kosovës, në nenin 61 dhe 62 të Ligjit për Zgjedhjet e Përgjithshme në Republikën e Kosovës, si dhe në propozimin e Grupit Parlamentar Lista Serbe.
Anëtari i ri i Komisionit Qendror Zgjedhor, Stevan Veselinoviq, sot ka dhënë betimin para presidentit Thaçi./Express/