Kryetari i Komunës, Shpejtim Bulliqi bashkë me Ministrin e Zhvillimit Rajonal, Fikrim Damka, Zëvendësministrin e Infrastrukturës, Hysen Durmishi, deputetë, drejtorë dhe asamblistë në mënyrë solemne kanë vendosur gurthemelin për ndërtimin e Stacionit të Autobusëve në Podujevë.
Vlera e këtij projekti është mbi 1 milionë euro dhe është në bashkëfinancim mes Komunës së Podujevës dhe dy ministrive të linjës. Ky projekt planifikohet që të përfundojë në dy vitet e ardhshme.
Kryetari Bulliqi tha se “Stacioni i ri i autobusëve do ta mundësojë organizimin më të mirë të komunikacionit në qytet dhe fshatra, si dhe do t’i përmirësojë linjat e qarkullimit të Podujevës me qytetet tjera”.
Kryetari Bulliqi i falënderoi ministrin Damka e zvministrin Durmishi për bashkëpunimin për realizimin e këtij projekti shumë të rëndësishëm për qytetarët e Podujevës. Kryetari Bulliqi për fund i uroi të gjithë qytetarët llapjanë për fillimin e punimeve për realizimin e projektit.
