Gërvalla: Me ministrin Sveçla u kemi raportuar ambasadorëve të Quint-it për ndalimin
Vendoset gurthemeli për ndërtimin e lagjes për familjet në nevojë në Podujevë
Vihet gurthemeli i ndërtimit të shtëpive në lagjen e re në Podujevë nga fondacioni “Shqiptarët për shqiptarët”
Kryetari i Komunës së Podujevës, Shpejtim Bulliqi, bashkë me humanistin e madh shqiptar, Elvis Naçi, me dhuruesin e tokës për troje nga familja Stublla, anëtarë të ekzekutivit, deputetë të Kuvendit, kryetarin e Bashkësisë Islame, hoxhollarë dhe qytetarë llapjanë, vendosën gurthemelin e ndërtimit të lagjes së re që po ndërtohet për familjet në nevojë në komunën e Podujevës.
Kryetari Bulliqi u shpreh i lumtur dhe i emocionuar me fillimin e ndërtimit të këtij projekti.
“Kjo ditë për mua është e veçantë dhe shumë emocionuese, sepse sot po bëjmë një hap të madh përpara për të zgjidhur çështjen e banimit për familjet nevojtare në Podujevë”.
“Ne sot, si institucione lokale, ndjehemi të priviligjuar sepse për herë të parë fondacioni “Shqiptarët për shqiptarët” po investon në një projekt kaq të madh në Kosovë, e veçanarisht në komunën tonë. Ky projekt voluminoz kap shifrën e investimeve prej 1 milion euro dhe përfshin ndërtimin e shtëpive, kopshteve, fushave sportive, ambulancës dhe infrastrukturës së lagjes në tërësi”, tha kryetari Bulliqi.