Vdes Xhavit Ferizi-Raketa, ish-pjesëtar i UÇK dhe ish – truproje e Presidentit Hashim Thaçi

Ka vdekur Xhavit Ferizi (Raketa), ish pjesëtar i Ushtrisë Çlirimtare të Kosovës dhe ish-truproje i ish-presidentit të Kosovës Hashim Thaçi.

Raketa ishte nga fshati Plluzhinë.

Për vdekjen e tij kanë njoftuar njerëzit e afërt me të ndjerin.

Milaim Cakiqi mik i ngushtë i ish-presidentit Thaci ka shkruar se Raketa e ka fituar cdo betejë, në luftë e në paqe. “Por, jo edhe betejën me kancerin. Do të më mungojnë shumë muhabetet e orëve të vona, Raketë. Do të na mungosh të gjithëve, vëlla! Fatkeqësisht, vdekja na ndau! U prehsh në paqe Xhavit FERIZI, mik i mirë dhe besnik!”, ka shkruar ai

Kryetari i Partisë Demokratike të Kosovës, Memli Krasniqi ka reaguar pas ndarjes nga jeta të Xhavit Ferizi, i njohur si komandant “Raketa”.

Krasniqi në Facebook u ka shprehur ngushëllimet familje, miqve dhe bashkëpunëtorëve të të ndjerit.

Postimi i Krasniqit:

Jam pa fjalë me ikjen tënde të hershme. Do të të kujtoj përherë si mikun e mirë dhe kolegun unik. Si luftëtarin e paepur të lirisë – që në luftë dhe në paqe e kishte të hekurt vendosmërimë. Do të na mungosh shumë, mik i dashur.

Ngushëllimet më të thella familjes Ferizi, miqve dhe bashkëpunëtorëve.

Prehu në paqe, Xhavit Ferizi!