Trembëdhjetë persona kanë përfunduar në pranga të Policisë së Kosovës në Podujevë.

Trembëdhjetë persona kanë përfunduar në pranga të Policisë së Kosovës në Podujevë.

Sipas njoftimit të Policisë së Kosovës, personat e dyshuar janë A. H 16 vjeçar, A. H po ashtu 16 vjeç, E. T dhe , F. H që të dy 19 vjeçar, N. Z 18 vjeç, F. K dhe I.T 24 vjeçar, V. H 26 vjeç, L. H 22 vjeç, F. B 43 vjeç, V. H 19 vjeç, A. Q , 21 vjeç, si dhe B. M 19 vjeçar, që të gjithë shtetas kosovarë.

Të njëjtit sipas policisë, të njëjtit në katër grupe të ndryshme, dyshohen se kanë kryer vjedhje të rënda në shtëpi e dyqane në rajonin e Podujevës.

“Një operacion i tillë është organizuar që nga data 18.01.2017 deri me 24.01.2017 nga hetuesit e stacionit policor të Podujevës, të cilët i kanë dhënë përparësi luftës kundër kriminalitetit dhe veçanërisht disa shqetësimeve që kohët e fundit ka pasur komuniteti në lidhje me rastet e vjedhjeve të rënda ndodhura, (në shtëpi, dyqane etj.) në zona të ndryshme të rajonit të Podujevës”, thuhet në njoftimin e policisë.

Pjesë e operacionit ka qenë edhe bastisja e shtëpive të të dyshuarve, ku policia ka arritur të gjej dhe konfiskoj gjësende që janë raportuar të vjedhura (të cilat ju janë kthyer pronarëve) si dhe disa dëshmi të tjera që lidhen me rastet.

Pas përfundimit të procedurave të nevojshme policore, të njëjtit sipas policisë janë dërguar në gjykatën kompetente.

Ky aksion është ndërmarr në kuadër të intensifikimit të masave të marra në drejtim të garantimit të rendit dhe sigurisë publike, si dhe goditjes së individëve dhe grupeve kriminale, kanë organizuar punën e tyre me fokus të veçantë zbardhjen e veprave kriminale, identifikim dhe arrestimin e të dyshuarve të implikuar në ngjarjet kriminale,ky është raporti i policisë. /PodujevaPRESS/