Totali i votave të LVV-së në zgjedhjet e 14 shkurtit

Lëvizja Vetëvendosje si partia fituese e zgjedhjeve të 14 shkurtit në total duke përfshirë edhe votat me kusht dhe votat e diasporës ka marrë 437 mijë e 741 vota.

Kjo parti nga rezultatet preliminare ka marrë 378 mijë e 550 vota. Ndërsa pas numërimit të votave me kusht iu shtuan edhe 14 mijë e 939.

Para disa minutave ka përfunduar edhe numërimi i votave të diasporës e nga ky rezultat i publikuar nga KQZ-ja del se VV-ja ka marrë 44 mijë e 252 vota.

Në të gjitha këto numërime VV-ja është partia e parë, ndërsa rezultatet përfundimtare nga KQZ-ja do të shpallen të enjten./Gazeta inFokus/