Polici goditet me veturë nga një grua që e kishte ndalur për
Tekstet shkollore, të papërshtatshme për moshën e nxënësve
Njohurit për ndryshimet fiziologjike të trupit të njeriut në fazën e futjes në pubertet janë të domosdoshme për fëmijët në arsimin fillor, por jo të jenë edhe të ngarkuara me informacione që nuk u përkojnë me moshën e 11 vjeçarëve. Me tekste të tilla mësimore, janë duke u përballur nxënësit e klasave të pesta në lëndën “Njeriu dhe Natyra”, për të cilën gjë kërkohet nga mësimdhënësit që të ndryshohen.
Nxënësit e klasës së pestë po marrin udhëzimet nga mësuesja e tyre për mënyrën e plotësimit të testit në lëndën “Njeriu dhe Natyra”.
Edhe pse fëmijët shprehen të gatshëm për mbajtjen e këtij testi, mësimdhënësja Lumturije Fazliu-Gashi tregon se shumë njësi mësimore të kësaj lënde kanë qenë vështirë të kuptueshme nga nxënësit e saj që kanë moshë 10-11 vjeçare.
Madje sipas mësimdhënëses, në njësinë ku flitet për ndryshimet fiziologjike të turpit të fëmijëve dhe futjen e tyre në fazën e pubertetit, njëra nga pyetjet për këtë mësim është: Pse femrat që zbulojnë belin rrezikojnë të mbesin sterile? Gjë e cila sipas mësimdhënëses pyetjet e tilla nuk përkojnë me realitetin dhe nuk janë të përshtatshme për moshën që kanë fëmijët.
“Këtu do të ishte mirë që ekspertët e Ministrisë së Arsimit lidhur me fushat e caktuara të korrigjojnë tekstet e tilla shkollore në mënyrë që mos të ketë informacione ndoshta të ngarkuara për moshën e fëmijëve” ka thënë Lumturije Fazliu-Gashi -Mësimdhënëse në Sh.F.M.U. “Elena Gjika”
Fjala sterile për fëmijët ishte e panjohur, ata para se të marrin shpjegimet e duhura nga mësuesja kishin perceptime të ndryshme për këtë fjalë.
Erion Gjoshi nxënës i klasës së pestë thotë se, “kam menduar që me fjalën sterile do të thotë që nuk mund të lëvizim”.
Po ashtu Amila Ademi nxënëse e klasës së pestë thotë “fjala sterile kam menduar që ndoshta është ndonjë pjesë e trupit”.
Ndërsa Melik Gashi, nxënës i klasës së pestë, po ashtu thotë se “kam menduar që është mjekim ose ndonjë pastrim se kam dëgjuar shumë fjalë, fasho sterile gjëra të tilla lidhje me mjekim…”
Mësimet e tilla siç është edhe kjo pyetje për fëmijët e klasës së pestë: Pse femrat që zbulojnë belin rrezikojnë të mbesin sterile? Për psikologen Buqe Fejza janë të panevojshme për këtë moshë pasi tek ata mbjellë edhe frikën për ndryshimet që do të pësojë trupi i tyre dhe gjithashtu ndikon në krijimin e diskriminimit gjinor, pasi sipas saj përmenden vetëm femrat e jo edhe meshkujt.
Psikologia Fejza tregon se ndikues për sterilitetin nuk është vetëm ftohja, por një varg faktorësh të tjerë të cilët i prekin të dy gjinitë.
Ajo sqaron se fëmijët e moshës 10-11 vjeçare, duhet t`i dinë vetëm gjërat thelbësore të fillimit të ndryshimit të tyre fiziologjik në fazën e pubertetit.
“Edhe mosha 10-11 vjeçare është shumë herët për te kuptuar se janë shumë faktor tjerë të me hershme se sa një shplumje e pjesës së trupit siç është shplumja e pjesë së belit në këtë rast, është shumë me rëndësi që këto grup mosha të dinë vetëm ndryshimet që ndodhin në trupin e tyre tek femrat që janë dalja e qimeve, rritja e gjoksit dhe cikli menstrual. Te meshkujt gjithashtu dalja e qimeve në fytyrë, gjoks dhe trashja e zërit”.
Pavarësisht që drejtues të Ministrisë së Arsimit kanë deklaruar se kanë bërë rishikimin e teksteve shkollore, mësimdhënësja Lumturije Fazliu – Gashi dëshmon të kundërtën, e cila tregon që libri shkollor për klasën e pestë “Njeriu dhe Natyra” është i njëjti tash e dhjetë vjet./Express/