Takim i paparalajmëruar, presidenti takon kryetaren e KQZ-së

Presidenti i vendit, Hashim Thaçi, ka pritur sot në takim kryetaren e Komisionit Qendror të Zgjedhjeve (KQZ), Valdete Daka.

Takimi i paparalajmëruar për media, është zhvilluar në zyrën e presidentit me të nisur orari zyrtar i punës.

Burimet e IndeksOnline kanë thënë se në këtë takim është diskutuar për mundësinë e mbajtjes së zgjedhjeve të jashtëzakonshme për kryetar të Komunës së Podujevës.

Po ashtu është diskutuar mundësia, që në ditën e njëjtë të mbahen edhe zgjedhjet për kryetar të Mitrovicës së Veriut.