Shpejtim Bulliqi përkujton ish-kryetarin e Podujevës Agim Kikaj
Sulmuesi i Kajtazit ankohet ndaj vendimit të Gjykatës
Të paktën deri më 14 nëntor të këtij viti, Fitim Thaqi, do të qëndrojë në paraburgim si i dyshuar për sulmin fizik ndaj gazetarit Vahbi Kajtazi.
Avokati i Thaqit, Gazmend Halilaj, ka thënë se do të bëjë ankesë për vendimin e marrë nga Gjykata.
“Do të bëj ankesë të fuqishme”, ka thënë ai.
Halilaj ka shtuar se këtë do ta bëjë brenda 24 orëve.
Thaqi u dorëzua në Polici, të shtunën mbrëma, një ditë pasi sulmoi fizikisht Vehbi Kajtazin, drejtor i portalit “Insajderi”.
Thaqi, 30 vjeçar, nga Llapushniku i Drenasit, të premten në mesditë, grushtoi gazetarin Kajtazi, në një lokal, në qendër të Prishtinës.
Kajtazi tha se motivi pse u sulmua ka të bëjë me shkrimet që kishte bërë për Milaim Zekën lidhur me disa mashtrime për punësime dhe viza./express