Zëvendësministri Durmishi ftohet nga Prokuroria Speciale për tenderin e rrugës Prishtinë-Podujevë
Sulmohet seksualisht 20-vjeçarja në Podujevë, i dyshuari e preku me zor dhe i kërkoi seks
Vajzat dhe gratë po vazhdojnë të jenë viktimat më të shpeshta të dhunës në familje, ngacmimeve e sulmeve seksuale. Raste të tilla ndodhin edhe në hapësira publike, lokale, vende të ndryshme të punës, çka po ngrit shqetësim se siguria po cenohet, raporton Gazeta Sinjali.
Për një rast të tillë që ka ndodhur në Podujevë, tashmë kanë nisur hetimet pas denoncimit të një vajze 20-vjeçare, e cila kërkoi ndihmë nga Policia gjatë ditës së djeshme. Ajo e ka raportuar një person me të cilin është njohur së fundmi në rrjete sociale, e të cilin e ka takuar para dy ditësh në një restorant.
Por takimi i tyre nuk shkoi siç duhet, pasi i riu dyshohet se e sulmoi seksualisht vajzën, duke e prekur me zor nëpër pjesët e trupit dhe i ka kërkuar që të kryejnë marrëdhënie seksuale, çka i ka shkaktuar shqetësim të madh. Për të mos mbaruar me kaq i dyshuari i ka shpërndarë edhe disa video intime duke pretenduar se është viktima në ato pamje.
Përballë kësaj situate, vajza ka vendosur të kërkojë ndihmë nga Policia, me ç’rast ka rrëfyer në detaje bisedën dhe atë që kishte ndodhur mes tyre, mbrëmjen e 23 dhjetorit në një restorant në rrugën “Gryka e Llapit”.
Si rezultat i denoncimit, Prokurori i Shtetit ka urdhëruar inicimin e rastit dhe ndërmarrjen e veprimeve për kapjen e personit të dyshuar.
Sipas Kodit Penal të Republikës së Kosovës “Kushdo që prek personin tjetër me qëllim seksual ose e cyt personin e tillë të prekë kryesin apo personin tjetër për qëllim seksual, pa pëlqimin e personit të tillë, dënohet me gjobë ose me burgim deri në një (1) vjet.”