Sot regjistrohen deputetët e Kuvendit të Kosovës

Dje u mblodh Kryesia e vjetër e Kuvendit të Kosovës ku u vendos që për tri ditë të regjistrohen deputetët e rinj, e që më pas më 3 gusht edhe do të japin betimin në seancën konstituive.

Regjistrimi ka nisur sot dhe vazhdon deri të premten

Seanca konstituive e Kuvendit, deri në zgjedhjen e kryetarit dhe të nënkryetarëve do të kryesohet nga deputeti më i vjetër, i ndihmuar nga deputeti më i ri, sipas moshës.

Ndërkaq, pas konstituimit të Kuvendit më 3 gusht, hapet rrugë për votimin e Qeverisë.

Sipas Kushetutës, Ramush Haradinajt i takon të jetë mandatari i parë për krijimin e ekzekutivit, ndërkaq për herën e dytë është krijuar një konfuzion, pasi partitë tjera dhe disa analistë potencojnë që hera e dytë i takon Albin Kurtit, ndërkaq PAN dhe disa analistë të tjerë po e thonë të kundërtën./gazetametro/