Sot, këto 17 fshatra të Podujevës janë pa energji elektrike
KEDS ka njoftuar se sot, 17 fshatra të Podujevës do të mbesin pa energji elektrike deri në ora 11:00 si pasojë e ndërhyrjeve të planifikuara në rrjet, njofton PodujevaPRESS.
Para disa ditësh KEDS kishtë lëshuar një njoftim për investime të mëdha në komunën e Podujevës, ndërsa banorët ankohen për reduktime të shpeshta, fatura të larta, për rrymë të dobët dhe prishje të pasijeve elektrike shtëpiake për të cilat nuk jep llogari askush.
Më 21 dhe 22 .07.2017 në NS TS 220/35/10(20)kV Podujeva do të ndërprehet:
• Dalja 10 kV Llausha (Kodi 14000013) prej orës 6:00 deri në orën 11:00
Gjatë kohës sa do të zgjasin punimet pa furnizim me energji elektrike do të mbesin fshatrat: Dumnicë, Llaushë, Doberdol, Zakut, Kërpimeh, Metehi, Repë, Tashevc, Pollatë, Dvorishtë, Sllatinë, Reçicë, Zhiti, Sylejvicë, Brecë, Tërnavicë dhe Murgullë.
Arsyeja e ndërprerjes: Vendosje e konzollave dhe shtrirja e përçuesit.