Anketuesi i ASK-së sulmohet nga tre persona gjatë regjistrimit të popullsisë, kërkon
SKANDALOZE: Komuna e Podujevës ndryshon kriteret e konkursit në mënyrë të kundërligjshme | DOKUMENT
Para disa ditësh Këshilli i Pavarur Mbikeqyrës për Shërbimin Civil të Kosovës – Kolegji për Shqyrtimin dhe Vendosjen e Ankesave ka publikuar vendimin e datës 11.05.2022 me të cilin tregohet se është anuluar konkursi i datës 01.11.2021, transmeton PodujevaPress.net
Arsyeja e anulimit është se Zyra e Personelit në Komunën e Podujevës dhe Komisioni i pranimit i kanë ndryshuar kriteret e konkursit në mënyrë të kundërligjshme.
Bëhet fjalë për pozitën Specialistë të Shërbimeve Sociale – Zyrtar për Shërbime Sociale në Qendrën për Punës Sociale, në të cilën kishte ankesa dhe ku Këshilli ka gjetur mjaftë parregullësi, ku edhe ka bërë anulimin e konkurseve.
Sipas njoftimit thuhet se Aprovohet si e bazar ankesa e personit x.
Pas kësaj edhe Komuna e Podujevës ka anuluar Shpalljen e Rekrutimit të Pranimit.
Skandali është tek ajo çfarë ka konstatuar Këshilli i Pavarur Mbikeqyrës për Shërbimin Civil të Kosovës – Kolegji për Shqyrtimin dhe Vendosjen e Ankesave është se siç thuhet:
“Në funksion të shqyrtimit të ligjshmërisë së vendimit te goditur me ankesë, Kolegji ju referua dispozitave të Rregullores (QRK) Nr.26/2020 për Klasifikimin e Vendeve të Punës në Shërbimin Civil, dhe rrjedhimisht duke u bazuar në Shtojcën 2 të kësaj Rregullore, për pozitën e punës “Specialist i Përgjithshëm, të Shërbimeve Sociale”, e renditur me kodin 12 fusha e arsimit të kërkuar është fakulteti i Psikologjisë, Punë Sociale dhe të ngjashme, ndërsa sipas konkursit me numër reference RN00007789, si fushë e arsimit është përcaktuar Diplomë/a e studimeve universitare me të paktën 180 kredi/ECTS apo ekujvalente me to, në fushë të punës sociale, psikologjike, drejtësi pedagogji ose në ndonjë lëmi tjetër të lidhur ngushtë me shërbimet sociale dhe familjare, e që sipas vlerësimit të kolegjit, organi i punësimit ka vepruar në kundërshtim me dispozitat e Rregullores (QRK) Nr.26/2020 për Klasifikimin e Vendeve të Punës në Shërbimin Civil, pasi që kriteret e përcaktuara me konkurs nuk janë në harmoni me kriteret e përcaktuara me këtë rregullore.
Po ashtu duke ju referuar kritereve të përcaktuara me Rregulloren (QRK) Nr.16/2020 per Pranimin dhe Karrierën në Shërbimin Civil të Republikës së Kosovës lidhur me pozitën e punes ” Specialist i Përgjithshëm, të Shërbimeve Sociale “, kolegji bazuar në provat materiale gjen se edhe ankuesja dhe kandidati i suksesshëm nuk kanë përmbushur kriterin lidhur me fushën e arsimit, respektivisht ankuesja sipas Diplomës me nr.1352 të datës 11.03.2011 ka përfunduar studimet në Fakultetin Juridik në Universitetin “Hasan Prishtina” në Prishtinë dhe mori titullin Bachelor i Drejtësisë, si dhe Diplomën nr.3970 e datës 04.04.2016 dhe mori titullin Jurist i Diplomuar – Bachelor (240 ECTS).
Pra ndryshimi i kritereve tregon se konkursi i është përshtatur kandidatit dhe kjo është vepër penale.
Kujtojmë se zyra e Personelit në këtë komunë që nga pas lufta ka pas ankesa nga konkurrentët për nepotizëm dhe diskriminim të kandidatëve që kanë pas interesim për të ju bashkuar shërbimit civil në këtë institucion.
Deri më tani për këtë skandal nuk ka reaguar askush nga komuna./PodujevaPRESS/
Ky është vendimi i plotë i Këshillit të Pavarur Mbikeqyrës për Shërbimin Civil të Kosovës – Kolegji për Shqyrtimin dhe Vendosjen e Ankesave: