Si gënjeu publikisht Albin Kurti për telefonatën me Grenellin dhe O’Brion

Emisari i SHBA’së për dialogun Kosovë-Serbi, Richard Grenell, ka demantuar deklaratën e VV’së, të cilët thanë se në bisedën telefonike mes Kurtit dhe amerikanëve u tha se bashkëpunimi për zhvillim ekonomik do të vazhdojë, shkruan Gazeta Metro.

Zyrtari i VV’së, Erzen Vraniqi, përmes një shkrimi në rrjetin social Facebook, kishte thënë se SHBA ka konfirmuar se janë të vendosura për bashkëpunim në zhvillimin ekonomik.

“Gjatë bisedës së djeshme telefonike të Kryeministrit Kurti me Ambasadorin O’Brien dhe Ambasadorin Grenell ata nuk kanë deklaruar se do t’i tërheqin trupat ushtarake amerikane nga Kosova dhe se do ta ndalin në ndonjë fushë ndihmën ekonomike për vendin tonë. Shtetet e Bashkuara të Amerikës janë të vendosura ta rrisin zhvillimin ekonomik e ta forcojnë sigurinë në rajon. Në fund të bisedës, të dyja palët janë pajtuar që ta vazhdojnë komunikimin dhe bashkëpunimin”, ka shkruar ai.

Mirëpo, ndaj kësaj është përgjigjur ashpër emisari Grenell,  i cili ka thënë se kjo nuk është aspak e vërtetë, dhe se Kurtit i janë bërë të qarta qëndrimet e SHBA’së.

“Kjo s’është e vërtetë. Ja kemi bërë të qartë Kurtit se vendimi i tij për të mbajtur taksën është duke dëmtuar ekonomikë e Kosovë – dhe nëse ai vazhdon kështu, ne nuk dotë maerremi më me lidershipin e Kosovës, që vetëm po dëmton qytetarët e saj”, ka shkruar ai.

Kujtojmë se Metro ka raportuar pak ditë më parë se SHBA pritet të sanksionojë Kosovën për qëndrimet dhe shpërfilljet që po ua bën Kryeministri Kurti./gazetametro.net