Shpetim Bulliqi: Mos u mundoni të përfitoni politikisht, “vozi rus” nuk hyri në Kosovë

Deputeti llapjan, Prof. Dr. Shpëtim Bulliqi, ka hedhur kritika mbrëmë  rreth rastit të “trenit rus”, Beograd – Mitrovicë. Deputeti Bulliqi edhe pse  është deputet nga radhët e Lidhjes Demokratike të Kosovës, ka qenë deputeti me kritik ndaj Qeverisë rreth marrëveshjes së demarkacionit, shkruan PodujevaPRESS.

“Mos te mashtrohet askush, nuk duhet shfrytëzuar situata të tilla për përfitime individuale/politike, me rëndësi është që “vozi rus” nga Serbia nuk hyri ilegalisht në Kosovë. ”

Po ashtu Bulliqi ka kërkuar që institucionet tona të jenë vigjilente dhe mos të rrinë pasive por të tregohen të vendosura në veprime rreth integritetit të shtetit.

Ky është postimi i tij i plot në facebook:

Mos te mashtrohet askush, nuk duhet shfrytëzuar situata të tilla për përfitime individuale/politike, me rëndësi është që “vozi rus” nga Serbia nuk hyri ilegalisht në Kosovë.

Bartësit e institucioneve tona le t’i kryejnë detyrat e tyre që u përkasin me pozitat që mbajnë, çdo pozitë kërkon edhe përgjegjësi.

Provokime dhe tentime të tilla me qëllim destabilizimin e Kosovës nga “ish-Gebelsat” e Millosheviqit dhe Sheshelit nuk do të ndalojnë, institucionet tona le të jenë vigjilentë, mos të rrinë pasive, të tregohen të vendosura në veprime që integriteti i shtetit të mos vihet në pikëpyetje pavarësisht nga kush vie ai rrezik.
Sh. B.